Jyadatar log apne badte wajan (vajan) ke kaaran pareshan rehte hain lekin kayi baar aisa bhi hota hai ki log apne patle hone ke kaaran ya shreer ke kam wajan ke kaaran pareshan rehte hain aur mota hone ka tarika jaanna chahte hai…

Iske kayi kaaran ho sakte hain, jese ki;
– Ahaar kaam matra me lena,
– Mehnat jyada karna aur kaam khana,
– Khana khane ka aniyamit samay,
– Khana khane ke samay me jyada antar rakhna,

Ye sab aapke kaam wajan (vajan) hone ke kaaran ho sakte hain, iske alawa bhi hamare shareer ke patle hone ke kayi kaaran ho sakte hain jaise, kayi baar hamare hormone asantulit hote hain jiske kaaran bhi hamara wajan nahi bad pata hai, iske alawa kayi prakaar ki beemariya jaise TB aur nervosa hone ke kaaran aapka shareer growth nahi kar pata hai.

Hamare shreer ka wajan aur growth hamehsa hamari umar, ling aur uchayi ke according honi chahiye, agar aisa nahi hai toh aapke shareer ki growth ruk-ruk kar ho rahi hai. Iske liye aapko darne ki jarurat nahi hai, hamare is article me aapko kuch aise upaay bataye ja rahe hain jinko apna kar aap apne wajan ko bada sakte hain.

Waise market me kayi tarah ke products aur dawa uplabdh hain jinka upyog karke aap apne shareer ka wajan bada sakte hain, lekin kayi baar inke side-effects bhi samne aate hain. Isliye hamare dwara kuch upaay bataye ja rahe hain jinko aap ghar me uplabdh padarthon ka upyog karke bhi kar sakte hain. Toh aaiye jante hain wajan badane ke upaay.

Weight Gain Tips in Hindi – Mota Hone ka Tarika

1) Kela (Banana): Agar aap apna wajan badana chahte hain toh kela ek aisa fal hai jisko khane se aapko instant fayda milega. Kela ek aisa fal hai jisse aapka pachan tantra toh thik rehta hi hai sath hi ye weight gain karne ka ek bahut hi achcha aur saral upaay hai. Pratidin do se teen kele ka sevan Karen, isse aapka wajan jaldi hi bad jayega.

2) Kaaju (Cashew): Kaaju bhi ek aisa meva hai jisko khane se aapke shreer ka wajan badta hai aur iska tel bhi wajan ko badane me bahut mahatvapurna bhumika nibhata hai. Ek mutthi kaju khane se hame swasth kaya milti hai aur isse hamari twacha komal banti hai sath hi hamare baal bhi chamakdaar bante hain.

3) Akhrot (Walnut): Akhrot bhi ek aisa meva hai jo hamari body me fat ko badata hai, kyuki akhrot me mono usaturated fat hota hai jo ki hamare shareer ko swasth calories jyada matra me pradaan karta hai. Rozana ek mutthi ya 20 gram akhrot khane se aapke shareer me fat badta hai aur aapka shareer weight gain karta hai. Isko khane se aapka shareer bhi swasth rehta hai.

4) Doodh (Milk), Malayi (Milk cream) aur Paneer: Doodh aur doodh se banne wale sabhi khadya padartho ka sevan karne se aapke shareer me fat badta hai. Jab doodh ki malayi ki baat ki jaye toh ye aapke shareer me fat ko tezi se badati hai kyuki anya khadya padartho ki tulna me isme adhik calorie ki matra hoti hai, jiske kaaran yadi iska sevan kiya jaye toh vyakti me fat ki matra me vridhdhi ho jati hai. Iske alawa yadi pasta aur salad me milk cream ko milakar khaya jaye toh isse aapke wajan me tezi se badotri hogi.
Usi prakaar Paneer bhi aapke sahreer me calories ki kami ko pura karta hai, iske sevan se aapke shareer me calcium aur protein ki kami ki putri hoti hai, iske sath hi ye aapke shareer ka energy level bhi badata hai.

5) Chawal (Rice): Chawal khane se bhi aap weight gain kar sakte hain. Chawal me paryapt matra me carbohydrates aur fiber ki matra hoti hai jo aapke sahreer me inki kami ko pura karti hai, isliye niyamit rup se chawal ka sevan karne se aapke shareer ka wajan badne lagega.

6) Kishmish: Kishmish bhi aapke shareer ke wajan ko balance karta hai, isme paryapt matra me fiber paya jata hai aur 99% calories payi jati hai, jisse ye hamare shareer ke fats ko hatakar swasth calorie me change kar deta hai. Jisse hamare shareer ka weight balanced ho jata hai.

7) Makhan aur Cheese: Aap weight ko badane ke liye rozana bread par makhan lagakar bhi kha sakte hain, kyuki isme paryapt matra me calories hoti hain. jisse na sirf aapke muh ka swad badta hai balki isse aapke shareer ka weight bhi badta hai.
Cheese me paryapt matra me protein, calcium aur calorie payi jati hain jo aapke weight gain karne me madad karti hain. Is prakaar cheese ke ek packet me 69% calorie hoti hai, jisse yadi aap iska sevan karte hain toh aap paryapt matra me calorie ko le sakte hain.

8) Aalu (Potato): Aalu shreer me fat badane ka ek achcha saadhan hai, isko khane se aapke shareer me carbohydrates ki purti hoti hai, jisse aapke shareer me fat ki matra me vridhdhi hoti hai. Is prakaar aalu ke jyada se jyadasevan karne se aap apna wajan bada sakte hain.

Weight Gain tips in hindi - mota hone ke tarike

Weight Gain Tips in Hindi – Non-Vegetarian Ahaar Se

Iske alawa jo vyakti non-vegetarian kha sakta hai uske liye bhi hamare pass kuch aise gharelu upaay hain jiske dwara wo apne fat aur wajan dono ko bada sakta hai.

1) Anda (Egg): Jo log apna wajan badana chahte hain wo log agar niyamit rup se ande ka sevan karenge toh nishchay hi unka wajan bad jayega, kyuki ande me wajan badane wale sabhi tatva jaise, vitamin-A, D aur kayi poshak tatva paye jate hain.

2) Machli (Fish): Machli protein ka ek achcha source hai, jisse aapke shareer me protein ki kami puri hoti hai aur aap weight gain kar sakte hain. Wohi salmon machli ke sevan dwara bhi aap weight ko bada sakte hain, din me do baar salmon machli ke sevan karne se aapke shareer me protein ki matra bhi puri hogi sath hi aapka wajan bhi badega.

3) Maans (Meat): Meat ka sevan karne se bhi aap apne shareer ko paryapt matra me fat pradaa kar sakte hain, isse na keval aapke shareer ka wajan badta hai balki iske sevan se aapke shareer me protein ki matra ki bhi purti hoti hai. Agar aap red meat ka sevan karte hai toh weight gain karne ke liye ye aapke liye sabse jyada laabh dayak hai.

4) Jhinga (Shrimp): Jhinge ka sevan bhi aapke weight badane ke liye bahut laabh kari siddh ho sakta hai. Ye ek prakaar ka samudri bhojan hai, isme kayi prakaar ke poshak tatva paye jate hain, jisse aap apna weight bada sakte hain.

Weight gain tips in Hindi – Is prakaar gharelu upaayon dwara aap kis tarah apne weight ko bada sakte hai, iske alawa bhi kayi cheeze hoti hain jinke kaaran vyakti ka wait bad ya ghat jata hai, ye har vyakti ke shareer par depend karta hai. Kayi baar logon ki neend puri na hone ke kaaran wo mote ho jate hain aur kayi logon ke sath iska ulta ho jata hai aur wo neend puri na hone ke kaaran patle ho jate hain.

Isliye jaruri ye hai ki aap kam se kam 7-8 ghante ki paryapt aur puri neend le, isse aapke shareer ko paryapt rest milega. Isliye apne khan-paan par aur apni neend par pura dhyan de aur yoga aur meditation Karen. Toh ab der kis baat ki hai, hamare dwara bataye gaye upaayon ka upyog karke jaldi se weight gain Karen aur apne shareer ko sahi akaar aur roop de.