Aaj ke samay mai jyadatar log apne badte huye wajan aur motape se pareshan rehte hai. Lekin aap yeh bhi jante hoge ki aapki kayi buri aadato ke kaaran hi aapke sharir ka wajan bada hai. Der raat tak jagne, aur subah late uthne ke kaaran bhi apka wazan bad sakta hai. Iske alawa fast food ko apne ahaar mai jyada shamil karne ke kaaran bhi aapke sharir ka wajan dino din badta jata hai.

Lekin agar aap apne sharir ka wajan sach mai ghatana chahte hai toh aaj ham yaha 5 aise desi drinks ke bare mai batane ja rahe hai, jinka sevan karne se aap apne sharer ka wajan kam kar sakte hai. Motape se pareshan vyaktiyo ke liye yeh desi drinks bahut faydemand sabit ho sakte hai. Isse aap apne wajan ko kam kar sakte hai, sath hi bahar nikal rahe pet ko bhi kam kar sakte hai. Toh aaiye jaante hai 5 desi drinks ke bare mai jo aapke wazan aur fat ko kam karne mai madadgar sabit ho sakte hai.

Weight Loss Drinks in Hindi – Fast Weight Loss Tips

Weight Loss Drinks in Hindi

Lemon juice (Nimbu pani): Nimbu ek aisa fal hai jo ki hamare sharir ka wajan kam karne mai madadgar hota hai. Iss tarah nimbu ke ras ka sevan karne se sharir ke wajan ko ghataya ja sakta hai aur sath hi sharir ki charbi ko bhi kam kiya ja sakta hai. Iske alawa agar dekha jaye toh nimbu pani ka sevan karne se hamare sharir ke sabhi bekar padarth bahar nikal jate hai, iss tarah sharir ke sabhi toxins ko nikalne mai nimbu pani madadgar sabit hota hai. Toh agar aap apne sharir ka wajan kam karna chahte hai aur charbi ko ghatana chahte hai toh rojana iska sevan kare.

Aloe vera juice: Aloe vera ke bare mai toh aap sab jante hi hoge ki iska sevan hamare sharir ke liye kitna labhdayak sabit hota hai, yeh na sirf hamari twacha ke liye balki hamare baalo ke liye bhi faydemand hota hai. Lekin kya aap jante hai ki aloe vera ke juice ka sevan aapke sharir ki charbi ko kam kar sakta hai. Ji haan, aloe vera ka juice amrit ke samaan hota hai. Rozana ek cup aloe vera juice ka sevan karne se na sirf aapka wazan kam hota hai balki yeh aapke pet ki charbi yani ki tummy ko kam karne mai bhi madadgar sabit ho sakta hai. Isliye hi ise har marj ki dawa mana jata hai.

Ginger juice (Adrak ka ras): Adrak ka sevan calorie ko consume karke fit rakhne mai madadgar hota hai, iss tarah adrak ka juice aapke motape ko kam kar sakta hai. Iske liye aap ek chammach adrak ka ras nikal le aur rozana iska sevan kare. Iss tarah rojana iske sevan se aap apne sharir ka wajan toh kam kar hi sakte hai sath hi yeh aapki bahar nikli huyi tond (Tummy) ko kam karne mai madadgar hota hai.

Cucumber juice (Kheere ka juice): Kheere ki agar baat ki jaye toh isme bahut kam matra mai calorie payi jati hai, iss tarah iske sevan se aapke sharir ka motapa nahi badta hai, sath hi agar raat ko sone se pehle aap kheere ke juice ka sevan karte hai toh yeh aapke pet ke liye kafi labhdayak sabit ho sakta hai. Isse aapke sharir ka fat nahi badta hai sath hi aapka pet bhi saaf rehta hai.

Sounf ka juice: Sounf ka juice bhi aapke fat ko burn karne mai madadgar sabit hota hai. Isko banane ke liye ek cup pani ko acchi tarah se garam kar le aur iske baad ½ chammach sunf ko uss ubalte huye paani mai daal de. Ab ise 10 minute ke liye dhak kar rakh de aur thanda ho jane de. Ab thanda hone par iss juice ka sevan kare. Iss tarah rojana iss prayog ko karne se aapko motapa kam karne mai madad milegi.

Chehre ko bhi de nikhar: Upar bataye gaye prakritik juices aapke chehre ke nikhar ko bhi badate hai. Ji haan aloe vera, kheera, sounf aur nimbu aadi mai aise tatva paye jate hai jo ki na sirf aapke motape ko kam karte hai balki aapke pure sharir aur twacha ke liye bhi faydemand hote hai. Yeh aapki twacha ko nikharne ka kaam karte hai aur unhe sundar banate hai.

Is tarah upar aapne jana kuch desi drinks ke bare mai jo ki prakritik rup se aapke wajan ko kam karne mai madadgar hote hai. Toh agar aap bhi apne motape ko kam karna chahte hai toh rojana upar bataye gaye desi drinks ka sevan kare. Yeh na sirf aapke wajan ko kam karenge balki aapki twacha ko bhi sundar banane mai madadgar sabit hoge.