Home Remedies for White ya Yellow Discharge

White Discharge ko Leucorrhoea ke naam se bhi jana jata hai. Yeh wo sthiti hoti hai jab mahilao ki yoni se safed rang ka taral padarth nikalta hai, ise white discharge ke naam se jana jata hai aur agar expert ki mane toh shareer me estrogen ka imbalance hona bhi white discharge ka kaaran hai aur isme sankraman ki condition me youn sancharit rogon ke kaaran bhi white discharge badne lagta hai.

Ye white discharge mahilao ke shareer me aane wale chote chote jeevo aur bacteria ko andar jane se rokne ka kaam karta hai, Lekin kayi baar aisa hota hai ki ye white discharge jarurat se jayada hone lagta hai, jo ki mahilao ke liye ek pareshani ka kaaran ban jata hai. Kyuki jab ye jarurat se jyada hone lagta hai toh iske kaaran kayi nayi parehsnaiya mahilaon ke samne aane lagti hai aur kayi baar toh iske jyada hone se shareer me kamjori bhi aane lagti hai.

Ye pareshani har mahila ko alag-alag tareeke se hoti hai, Iska rang samanyatah halka safed hota hai aur ye badbu rahit hota hai. Kuch mahilao ko ye discharge bahut kam ya phir kuch boondon tak hi seemit hota hai, lekin kuch mahilao ko ye discharge lagataar bana rehta hai. Mailao me masik dharm ke douraan bhi white discharge hota hai, is prakaar jaruri nahi hai ki ye hamesha hi nuksaan dayak ho. Lekin kabhi kabhi ye jaroor pareshani ka sabab ban jata hai.

White Discharge Problem in Hindi –

White discharge problem in hindi

Tho aaiye jante hain white discharge se chutkaar pane ke liye gharelu upaay, jise ham kahenge home remedy for white discharge.

Yoni ko saaf rakhe:

Sabse pehle jaruri ye hai ki jab bhi aapko yoni aur guptang se sambandhit sankraman ho tab aap apni yoni ki puri safayi rakhe. Samay-samay par yoni ko khoob pani se dhoye aur panty ko bhi change karte rahe. Apne gupt ango ke kapdo me nami na rehne de aur yoni ki purna safayi rakhe.

Kela (Banana):

Pake huye kele ka sevan karne se aapki pareshani dur ho sakti hai, iske liye pake huye kele me ghee mila le aur din me do baar iska sevan Karen. Aisa karne se aapko achcha result milega.

Aamla powder:

Aamla powder ka sevan toh laabhdayak hai hi sath hi isko yoni me lagane se bhi aapka white discharge ki samasya thik ho sakti hai. Iske liye aamla powder lekar isme shehad mila le aur ise ek glass doodh ya pani me milakar iska sevan Karen. Aisa karne se aapko jaroor hi laabh milega sath hi aap is aamla powder aur shehad ke paste ko apni yoni me laga sakte hain, isse bhi aapko apne white discharge me araam milega.

Methi daana ki chay:

Methi daana ko chay me daal kar ubaal le aur iska sevan Karen . Isse aapko jaroor hi araam milega. Iske alawa aap methi daana ko pani me achchi tarah dheemi aanch par ubaal le aur isko chaan le. Chane huye pani ka upyog apni yoni ko dhone me Karen, isse bhi aapko araam milega.

Jeera:

Jeera ko achchi tarah pis le aur isme kuch shehad milakar iska paste bana le , is tarah bane huye paste ko apni yoni par lagaye. Isse aapko white discharge me rahat milegi.

Amrud ki pattiyan:

Amrud ki pattiyon ko pani me achchi tarah se dho le aur ise pani me lagbhag aadhe ghante tak dheemi aanch par ubaal le. Ab is pani ko chaan le aur is pani ko apne yoni me istemaal Karen aur ye tab tak Karen jab tak ki aapki ye pareshani dur na ho jaye.

Akhrot ki pattiyan:

Akhrot ki pattiyon ko pani me 2-3 minute ke liye ubaal le aur is pani ko chaane ke baad thanda hone de. Pani ke thanda ho jane par is pani ka upyog aap apne yoni ko saaf karne me upyog kar sakte hain. Akhrot ki pattiyon me antiseptic gun hote hain jo white discharge ke upchaar me sahayak hote hain aur kisi bhi tarah ke sankraman ko rokte hain.

Haldi aur Lehsun ka paste:

Jab aapko white discharge bahut jyada ho raha ho tab ye paste aapke bahut kaam ka hota hai. Kayi baar aisa hota hai ki white discharge ke kaaran khujli bhi hone lagti hai, jiske kaaran guptang me aur jyada pareshani ho jati hai. Aise samay me lehsun ka paste bana le aur usme haldi mila le. Is prakaar bane paste ka istemaal karne se aapka white discharge bhi thik hoga sath hi aapko khujli bhi nahi hogi.

Supari ka sevan:

Supari ka sevan white discharge me bahut hi upyogi hota hai sath hi future me hone wali white discharge ki pareshani ko bhi ye dur rakhta hai. Khana khane ke baad thodi si supari ka sevan Karen, Iske liye supari me kuch cheeni aur gulab ki pankhudiya mila le, aur iska sevan Karen.

Dhaniya:

Dhaniya ke beej le aur ise raat ko sone se pehle pani me bhigo de. Subah hone par isko chaan le aur chane huye pani ka sevan Karen. Achche parinaam ke liye iska sevan continue rakhe.

Chandan ke tel ka sevan:

Chandan ke tel ka sevan karna best home remedy for white discharge hai. Iske liye rojana din me kam se kam do baar chandan ke tel ki kuch boondon ka sevan Karen, isse aapko bahut araam milega aur ye ek bahut hi jyada achcha tareeka hai white discharge se mukti pane ka.

Toh yahan aapne jaana ki kis tarah gharelu upaay dwara white discharge se chutkaara paya ja sakta hai. Toh ab der kis baat ki hai agar aap bhi is pareshani se joojh rahe hain toh jaldi hi in gharelu nushkhon ka prayog Karen aur swasth jeevan vyateet Karen.

LEAVE A REPLY