Sushk mousam ( winter season ) me agar aapki twacha sushk ( dry ) hai toh isse aapki twacha aur jyada rookhi ( dry ) aur bezan ho jati hai. Iska asar aapke rang par bhi padta hai.

Sardiyon ke mosam me sushk twacha kisi aafat se kam nahi hai. Iske liye hum aapko kuch gharelu kaargar upaay bata rahe hain jisse aap sushk mousam me bhi apni twacha ko komal aur mulayam banaye rakh sakte hain.

Winter Mai Kese Rahe Dry Skin Ka Khayal – Gharelu Upay

1- Aadah chammach shehad ( honey ) me ek chammach gulab jal( rose water ) aur ek chammach milk powder daalkar paste banayen. Taiyaar kiye gaye paste ko apne chehre aur gardan ( neck ) par lagayen. Lagane ke 20 minute baad ise saade pani se dho le.

2 – 3 table spoon gulab jal me ek table spoon glycerine milaye. Inhe achchi tarah milkara apne haathon aur pairon ki twacha par lagayen. Lagane ke aadhe ghante baad ise saade pani se dho le. Isse aapki rookhi aur bejaan twacha me jaan aa jayegi aur twacha chikni aur saaf ho jayegi.

3 – Sheesham ke tel me doodh ko milakar lagane se twacha ka rookhapan dur hota hai aur twacha ki rangat wapas aa jati hai. Sheesham ke tel ke sthaan par aap surajmukhi ka tel bhi upyog kar sakte hai.

4 – Aadha cup thande doodh( cold milk ) me jetun ( olive oil ) ke tel ki kuch boonde daalte hain aur inhe kisi bhi bottle me daalkar achchi tarah hila ( shake ) lete hain jisse doodh aur tel achchi tarah se mil jayen. Ab iske baad rozana ise ruyi ( cotton ) ki madad se apne chehre par lagaye, isse aapko rukhi twacha se mukti milegi.

5 – Ande ( eggs ) bhi aapki twacha ke ruukhepan ko kam karte hain. Ande ke andar ka peela hissa nikal le au rise apne chehre par laga le, isse bhi chehre ka sukhapan kam hota hai. Kuch samay baad dheere dheere susukta khatam ho jati hai.

6 – Kela ( banana ) bhi rukhi ( dry ) twacha ko mulayam banata hai. Iske liye kele ko mash kar le aur apne chehre par ise lagayen, lekin isse pehle ek baat ka dhyan rakhe ki kele ka paste lagane se pehle aapka chehra achchi tarah saaf hona chahiye. Isse aapki twacha mulayam aur reshmi hogi.

7 – Agar aapki twacha jarurat se jyada rukhi hai aur rukhepan ke kaaran ye jalan karti hai toh iske liye aap sirke ka prayog kar sakte hain. iske liye ek mug pani me 2 table spoon sirke ko mila le aur nahane ke baad wahan lagayen jahan par aapki twacha jyada rukhi hai, isse aapko fayda milega.

LEAVE A REPLY