Vagina mahilao ke shareer ka ek bahut hi mahatvapurna ang hai aur mahilao ko ise saaf rakhna chahiye. Agar mahilaye apne vagina ki saaf-safayi nahi karti hain toh unhe vagina se sambandhit kayi tarah ke rog ho jate hain, jo unhe bahut pareshani dete hain. Isliye mahilao ko samay-samay par apne vagina ki saaf-safayi rakhna chahiye.

Aksar dekha jata hai ki jo mahilaye apne vagina ki saaf-safai nahi rakhti hain, unhe vagina se sambandhit kayi pareshani ho jati hain, jaise kayi baar vagina me khujli hone ya jalan hona aam pareshani hai aur jab ye pareshani bad jati hai toh aapko doctor ko dikhana pad sakta hai. Isliye aap agar pehle se hi apne vagina ko saaf rakhengi toh aapko in pareshaniyon ka saamna nahi karna padega.

Waise toh market me bhi kayi tarah ke aise products uplabdh hai jo vagina ko clean karne ke liye upyog ma laye ja sakte hain, lekin yadi ham ghar me hi simple tareeke se apne vagina ko saaf rakh sakte hain toh hame kisi bhi tarah ke baahri products ki jarurat nahi padegi.

Vagina in hindi
Toh aaye aaj ham apne is article me aapko ye batane ja rahe hain ki kis tarah apni yoni ko asani se ghar me hi saaf rakha jaye jisse aap vagina infection se bach saken.

Vagina ko samay-samay par saaf karte rahe:
Mahilaye jab bhi washroom jayen tab unhe apni yoni ko pani se dhona chahiye. Isse unki vagina saaf aur swachh rehti hai. Saath hi jab bhi mahila wash room jati hain toh unke yoni se urine nikalta hai jo ki hamare shareer ki gandgi hoti hai aur isliye hi hame apni yoni ko wash room jane ke baad bhi, upar se neeche tak pura saaf karna chahiye.

Samay-samay par pubic hair ko saaf karte rakhen:
Mahilao ko samay-samay par apni yoni ke pubic hair ko saaf karte rehna chahiye. Kyuki agar aap apne pubic hair ko saaf nahi karte hain toh wahan ki skin ki aap care nahi kar pate hain. Jab hamari yoni par pubic hair rehte hain toh wahan ki twacha baalon ke kaaran cover rehti hai jiske kaaran wahan ki twacha ki bhi sahi dhang se safai nahi ho pati, jiske kaaran kayi baar wahan par infection ho jata hai. Isliye mahilao ko pubic hair samay-samay par saaf karte rehna chahiye.

Masik dharm ke douraan pad change karte rahen:
Jab mahilao ka masik dharm chal raha ho toh mahilao ko har 5-6 ghante ke baad apne pad ya napkin ko change karte rehna chahiye, kyuki mahilao ke masik dharm ke douran vagina ko saaf rakhna bahut hi jyada jaruri hota hai. Mahilao ke masik dharm ke douran vagina se bahut rakht ka straw hota hai jo ki kabhi-kabhi badbu dar bhi hota hai. Isliye samay samay par pad change karne se vagina badbu rahit aur saaf rahegi, jisse kisi bhi tarah ka infection hone ki sambhavna khatam ho jati hai.

Sambhog ke baad apne vagina ko saaf karen:
Jo mahilaye shadi-shuda jeevan vyateet karti hain, unhe lagbhag roz sambhog karna padta hai, aise me mahilao ko sambhog ke baad apni yoni ko saaf karna chahiye. Iske liye aap chahe toh simple pani se apni yoni ko achchi tarah se saaf kar sakti hain. Isse kisi bhi tarah ke genital infection se bacha ja sakta hai.

Is prakaar yahan aapne jaan ki aap kis tarah apni vagina ko saaf rakh sakti hain aur kayi tarah ke vaginal infection se bach sakti hain. Toh ab der kis baat ki hai hamare is article me bataye gaye upayon ko apnaye aur apni vagina ko saaf aur swasth rakhe aur kayi tarah ke vaginal infection se bache rahe.