Banana Benefits in Hindi – Kela Khane ke Health Benefit

Banana Benefitsin Hindi

Benefits of Banana in Hindi – Kela ek aisa fal hai jo asaani se mil jata hai aur sasta bhi hota hai. Lekin kya aap jante hain ki kela hamare swasth ke liye bahut laabhdayak hota hai. Isko khane se aapko kayi tarah ke health benefit milte hain. Agar dekha jaye toh kela sugar aur fiber ka achcha source hai aur isko khane se aapke shareer me sugar ki matra achchi rehti hai, jisse ki aapke shareer ko energy milti hai aur aapke shareer ka energy level bhi badta hai. Iske alawa kele me thiamin, niacin aur folic acid ke roop me vitamin-A aur B paryapt matra me moujood rehte hain, jo ki aapke shareer ke liye bahut jaruri hote hain.

kele me thiamin, niacin aur folic acid ke roop me vitamin-A aur B paryapt matra me moujood rehte hain… iske sath hi kele me pani 64.3%, carbohydrate 24.7% aur protein 1.3% paya jata hai…

Kayi baar dekha jata hai ki jo log mote hote hain un logon ko kela khane se mana kiya jata hai, kyuki kele me bahut adhik matra me calorie hoti hai. Lekin logon ko apne ahaar se aisi cheezon ko hatana chahiye jo unke shareer ko koi laabh nahi deti hain aur uski jagah par unhe kele ka sevan karna chahiye. Kela energy ka achcha source mana jata hai, iske sath hi kele me pani 64.3%, carbohydrate 24.7% aur protein 1.3% paya jata hai. Iske alawa bhi iske kayi benefits hain, jiske kaaran aapko iska sevan karna chahiye. Toh aaiye jante hain kela khane ke health benefit.

Banana Benefits in Hindi – Kele Khane ke Fayde

 

Kabj ko dur karta hai:

Kela ek reshedar fal hai, jisse pachan kriya majboot banti hai. Jin logon ko kabj ki shikayat rehti hai un logon ko kele ka sevan karna chahiye, isse unki kabj ki shikayat dur ho jayegi aur pachan kriya sahi dhang se chalegi. Iske sath hi gastric ki pareshani wale logon ke liye bhi kela bahut faydemand sabit ho sakta hai. Is tarah pet se sambandhit pareshani ko kela kha kar dur kiya ja sakta hai.

Hemoglobin badata hai:

Shareer me hemoglobin ki kami hone par hame kele ka sevan karna chahiye, kyuki kela ek aisa fal hai jo hamare shareer me khoon ko badata hai aur khoon ki kami ko dur karta hai. Anemia ki pareshani wale logon ko apne ahaar me kele ko jarur shamil karna chahiye, isse unke khoon me hemoglobin ka level thik rahega.

Energy level ko badata hai:

Kela ek aisa fal hai jisko khane se hamare shareer ka energy level badta hai, kyuki isme bahut adhik matra me sugar aur fiber paya jata hai. Jo ki hamare shareer ko chust durust karke furteela banata hai. Jo log din bhar kuch kha pi nahi pate agar wo log kela kha le toh unhe anya cheezon ko khane ke mukable me jyada energy milegi. Aap chahe toh apne breakfast me ise jarur shamil karen, aisa karne se aapke shareer me pure din bhar energy rahegi.

Heart attack ki bimari ko dur karta hai:

Kela khane se aapko kayi tarah ki dil se sambandhit bimariyon se nijaat milti hai. Ye aapke blood pressure ko kam karke hypertension ki bimariyon ko bhi control karta hai. Isliye anya falo ki tulna me aapko kele ka sevan jyada karna chahiye. US me anya falon ki apeksha kele ko khane par jyada jor diya jata hai.

Garbhwati mahilao ke liya laabhkari:

Garbhwati mahilao ko apne khaan paan ka bahut khayaal rakhna hota hai, kyuki aisi avastha me mahilao ke shareer ko bahut sare vitamins aur minerals ki jarurat hoti hai. Is tarah agar dekha jaye toh kela bhi bahut faydemand hai, jo ki maa ke sath sath uske shishu ki bhi growth kar sakta hai, lekin is baat ka dhyan rakhe ki garbhwati mahilaye apne garbh dharan ke shuruaati 3 mahine tak kele ka sevan karen.

Stroke ke risk ko kam karta hai:

Ye ek aisa fal hai jo ki stroke ke risk ko kam karke use badne se rokta hai. Ise magical fruit bhi kehte hain, kyuki ye stroke ke risk ko 50% badne se rokta hai. Isliye yadi aap bhi swasth rehna chahte hain toh apne ahaar me kele ko jarur shamil karen.

Anidra ko kare dur:

Kela bahut hi faydemand fal hai. Iska sevan dudh aur shehad ke sath karne se nind na aane ki samasya dur ho jati hai. Sath hi ye hamare shareer ke sugar level ko bhi regulate karta hai.

Depression ko dur karta hai:

Kele me protein aur tryptophan paya jata hai jo ki mind ko relax karne me help karta hai. Isliye kela khane ke baad koi bhi achcha mehsoos karta hai. Ek survey ke anusar ye baat samne aayi hai ki wo log jo depression ki bimari se peedit the, wo kela khane ke baad achcha mehsoos karte the. Is tarah kela aapka depression bhi dur karta hai.

Kela bachcho aur bujurgon dono ke liye hai faydemand:

Bachcho me dhyan aur budhdhi badani hai toh bachcho ko kela khilayen. Exam time me bachcho ko kela khilane se unka thaka hua dimak aur shareer energy se bhar jata hai. Wohi ye bujurgon ke liye bhi sabse achcha fal maana jata hai, kyuki isme bahut adhik matra me vitamin-B6, C aur fiber paya jata hai jo ki badti huyi umar ke logon ke liye bahut jaruri hota hai aur sabse achchi baat ye hai ki ise bachche aur bade dono hi bahut asaani se chil kar kha sakte hain.

Hangover ko kare dur:

Kele ke sevan dwara aap apne hangover ko bhi kam kar sakte hain. Kele ko dudh aur shehad ke sath sevan karne se ye aapke shareer ke sugar level ko regulate karta hai, jo ki hangover ke liye raambaan ilaaj hai.

Banana Benefitsin Hindi

Upar aapne jaana Banana Benefits in Hindi (kela khane ke health benefits). Toh aaj se hi kele ko apne ahaar me shamil Karen aur uske dwara hone wale benefits ka fayda uthayen.

Related Post