Castor Oil in Hindi – Benefits and Use of Castor Oil (अरंडी के तेल)

castor oil in hindi - uses and benefits

Castor oil yani ki arandi ka tel hamare sharir ke liye behad faydemand mana jata hai, halaki jyadatar log ise apne baalo ko ghana aur majbut banane ke liye use karte hai, lekin iske alawa bhi ye hame kayi tarah ke fayde deta hai.

Aaj ham apne iss article me arandi ke tel se hone wale faydo ke bare me baat karne ja rahe hai. Castor oil hamare sharir se judi kayi tarah ki pareshaniyo ko dur karne ke sath hi aankho, skin aur joint se judi kayi tarah ki samasyao se nijat dilane me madad karta hai.

Arandi ke tel me anti bacterial, anti fungal aur anti viral gun paye jate hai, jo na sirf hamare baalo ke liye balki twacha ke liye bhi behad faydemand mane jate hai. Iske alawa isme kuch aise gun bhi paye jate hai jo ki mastishk se sambandhit vikaro ko dur karne me madadgar sabit hote hai.

Aisa mana jata hai ki keval arandi ka tel yani ki castor oil hi raicinolic fatty acid ka ek matra source hai, jo ki twacha ke jakhm bharne ke liye bahut hi labhkari mana jata hai. Iss tarah agar dekha jaye toh arandi ka tel hamare liye bahut labhkari sabit ho sakta hai.

Hame ye jankari hona jaruri hai ki arandi ka tel hame kin kin cheezo me fayda pahucha sakta hai aur sath hi agar iska sahi tarike se prayog kiya jaye to ye hamare liye behad faydemand sabit ho sakta hai, toh aaiye yaha jante hai arandi ke tel ke faydo ke bare me.

Benefits and Uses of Castor Oil in Hindi

castor oil in hindi - uses and benefits

Castor Oil For Hair:

Arandi ke tel ka sabse jyada istemal baalo ke liye hi kiya jata hai, kyuki ye baalo me hone wali lagbhag har pareshani ko dur karne me madadgar hota hai.

  • Isme paye jane wale anti bacterial aur anti fungal gun sar ki twacha ko soft banaye rakhte hai aur rusi ki pareshani se bhi bachate hai.
  • Iske alawa baalo ki acchi growth ke liye arandi ka tel behad faydemand mana jata hai.
  • Aaj kal dhul aur pradushan ke kaaran hamare baal jhadne lagte hai aur patle ho jate hai, aise me agar aap arandi ke tel ko baalo ki jado me lagate hai toh isse aapke baalo ka jhadna kam ho jayega aur baalo ke ghane aur lambe hone me madad milegi.

Castor Oil for Skin:

Castor oil hamari twacha ke liye bhi behad faydemand sabit ho sakta hai. Ji haan hamare chehre me hone wale keel muhaso ko dur karne me castor oil sahayak sabit hota hai.

  • Iske alawa kayi logo ki umar badne ke sath hi twacha me wrinkles aane lagte hai, aise me agar castor oil ka istemal kiya jaye to twacha ki wrinkles ko hataya ja sakta hai.
  • Jyada tez dhup me rehne se hamari twacha jal jati hai aur ham sunburn ke shikar ho jate hai. Is paristhiti me cotton ball ki madad se castor oil ko prabhavit jagah par lagaye aur ek ghante baad twacha ko dho le. Isse sunburn me araam milega.
  • Iske alawa winters me twacha ki dryness ko dur karne ke liye bhi aap castor oil ka istemal kar sakte hai, isse twacha ko nami milti hai aur twacha ka rukhapan dur hota hai.

Castor Oil for Joint Pain:

Jodo ke dard me arandi ka tel kafi kargar sabit ho sakta hai. Agar aap jodo ke dard me rahat pana chahte hai toh iske liye aap apne jodo ke dard wali jagah par arandi ke tel se massage kare aur uske baad uss par hot water bag rakh le, isse aapko jodo ke dard me rahat milegi.

Gathiya rog ke dard me ise week me kam se kam 2 baar lagaye, isse aapko fayda milega. Agar 3-4 bar iska istemal karne par jodo ke dard me araam na mile toh der na karte huye doctor ko dikhaye.

Castor Oil for Eyes:

Kayi baar hamari aankho me jalan aur dard hone lagta hai, aise me agar raat ko sote samay castor oil ko aankho ke upar laga kar massage kar liya jaye toh isse aankho ki jalan aur dard kam hota hai sath hi isse aapki palko ko ghana aur lamba banane me bhi madad milti hai.

Sath hi agar aap apni eye brow ko bhi kaala aur ghana banana chahte hai to iske liye aap rojana castor oil ki madad se din me kam se kam 2 se 3 baar apne eyebrows me castor oil se massage kare.

Castor Oil for Lips:

Agar aap apne hontho ke dry hone se pareshan hai toh iske liye aap apne hontho me castor oil laga kar halke hath se massage kar le. Isse na sirf aapke hontho ki dryness kam hogi balki aapke honth soft bhi bane rahege. Iske liye 4-5 din iss prakriya ko kare aur fark saaf dekh sakte hai.

Castor Oil for Weight Loss:

Castor oil wajan kam karne me bhi madadgar sabit hota hai. Iske liye aap rojana breakfast karne se pehle kam se kam 2 chammach castor oil ka sevan kare, aap chahe toh ise kisi bhi juice me daal kar pi sakte hai.

Lekin iska sevan karte samay iss baat ka dhyan rakhe ki aap rojana iska sevan na kare. 10 din me se 5 din hi iska sevan kare, kyuki iska jyada sevan hanikarak sabit ho sakta hai. Aap chahe to ise apni body par bhi direct laga kar wajan kam kar sakte hai.

Castor Oil for Wrinkles:

Mahilao ke sath aksar ye pareshani hoti hai ki ghar ke kaam karne ke kaaran hatho ki twacha kharab ho jati hai aur kayi bar umar badne ke kaaran hatho ki twacha me wrinkles aa jate hai. Iss awastha me castor oil ke dwara massage karne se aap apne hatho ke wrinkles ko dur kar sakte hai.

Castor Oil for Nails:

Castor oil hamare nails ke liye bhi accha mana jata hai, iske liye aap apne nails par castor oil se massage kare. Isse na sirf aapke nakhuno ka pilapan hat jayega balki aapke nails majbut aur chamakdar bhi banege.

Upar aapne jana Castor Oil in Hindi se hone wale labh ke bare me. Toh agar aap bhi isse hone wale faydo ka labh uthana chahte hai toh iska istemal karna shuru kare aur apne baalo, twacha aur sharir ko swasth rakhe.

Related Post