Hair Fall Treatment in Hindi – घरेलू उपाय for Hair Growth and Hair Fall Solution

HAIR TREATMENT IN HINDI - HAIR GROWTH TIPS

Hair Fall Treatment in Hindi – Khubsurat baal sabhi chahte hai lekin aaj ke samay me hair fall ek bahut badi pareshani bani huyi hai. Hair fall ki pareshani har dusre vyakti ko hai aur iske kaaran bahut se log pareshan hai.

Agar dekha jaye toh hamare baal hamari sundarta ko badane me bahut madadgar hote hai aur agar hamare baal hi acche na ho toh aise me hamari sundarta kharab ho jati hai. Agar mahilao ki baat kare toh mahilao ke baal se hi unki sundarta badti hai. Iss tarah har mahila chahti hai ki uske baal swasth aur ghane rahe.

Lekin aaj ke samay ki life style aur khan pan ke kaaran bhi hamare baal jhadne lagte hai. Aaj ham apne iss article me kuch upaay batane ja rahe hai jisse aap baal jhadne ki pareshani se bach sakte hai.

Waise jyadatar mahilaye aur purush baalo ke jhadne ko kam karne ke liye kayi tarah ke aise cosmetics istemal karte hai jo market me uplabdh hote hai, lekin aise cosmetics kayi baar hame nuksan pahucha dete hai, isliye baalo me prakritik aur gharelu utpado ka hi prayog karna chahiye.

Toh aaiye yaha jante hai aise kuch upayo ke bare me jisse aap apne baalo ka jhadna kam kar sakte hai.

Hari Fall Treatment in Hindi – Home Remedies for Hair Growth Tips

HAIR TREATMENT IN HINDI - HAIR GROWTH TIPS

Hair Care:

Baalo ko jhadne se bachana hai toh sabse pehle jaruri hai ki aap apne baalo ko saaf rakhe, kyuki kayi baar baalo me gandgi jama hone ke kaaran baalo ka jhadna shuru ho jata hai. Isliye ek hafte me kam se kam 2 baar apne baalo ko jarur wash karna chahiye, isse aapke baalo ki jado me gandgi jama nahi ho pati hai.

Nourishment Essential:

Sahi ahaar ke bina aap apne baalo ko swasth nahi bana sakte hai. Ji haan jab tak aap apne ahaar ko nahi sudharege tab tak aap healthy baal nahi pa sakte hai. Isliye upaayo aur nushkho ko apnane ke sath hi jaruri hai ki aap apne ahaar me protein aur minerals yukt ahaar shamil kare.

Sath hi fatty acid aur anti oxidant bhi bahut jaruri hai. Iske liye aap apne ahaar me walnut aur badaam ko shamil kar sakte hai, iske alawa nimbu pani me alsi ke beej bhi aapke baalo ke liye labhdayak sabit ho sakte hai. Iss tarah healthy baalo ke liye healthy ahaar bahut jaruri hai.

Hot Oil Massage:

Baalo ko jhadne se bachane ke liye baalo me oil massage bahut jaruri hai. Iske liye aap oil ko halka gunguna garam kar le aur apne baalo me halke hatho se massage kare. Aisa karne se aapke baalo ki jado tak acchi tarah se oil pahuch jata hai.

Iss tarah oil jado tak pahuch jane se aapke baalo ko poshan milta hai aur aapke baalo ka jhadna kam ho jata hai.

Aviod Shampoo:

Kayi log apne baalo ko roj wash karte hai, ye aapke liye hanikarak sabit ho sakta hai. Ji haan rojana baal dhone se baalo ki prakritik nami chali jati hai jisse baal rukhe aur bejan ho jate hai aur samay se pehle hi jhadne lagte hai.

Isliye aap apne baalo ko agar wash karna chahte hai toh hafte me kam se kam 2 baar hi wash kare aur agar isse jyada baar wash karna jaruri hai toh wash karne ke kam se kam ek ghante pehle apne baalo ko oil se massage kar le ya phir apne baalo me dahi laga le.

Dry Wet Hair with Care:

Kayi log baalo ko dhone ke baad bahut jor se ragad kar sukhate hai, lekin ye baalo ke liye nuksandayak hota hai. Isse baalo ko nuksan pahuchta hai aur baal jhadne lagte hai. Jarurat se jyada dabav baalo ko kamjor kar deta hai.

Isliye baalo ko pure cotton ke kapde se araam se poch le. Isse baalo ko nuksan nahi pahuchega aur baal jhadege nahi.

Avoid Combing on Wet Hair:

Jab ham apne baalo ko dhote hai toh uss samay hamare baal geele hote hai aur jab baal geele hote hai to aise samay me baal bahut najuk hote hai. Iss tarah jab hamare baal geele ho toh aise samay me baalo ko kanghi na kare, isse hamare baal jyada tutte hai aur kamjor hote hai.

Isliye apne baalo ko araam se sukhane ke baad neeche se upar ki taraf kanghi kare. Kabhi bhi upar se neeche ki taraf kanghi na kare.

Chemical vs Herbal Product:

Aisa mana jata hai ki hamare baalo ko chemical se nuksan pahuchta hai, lekin aaj ke samay me jyadatar log apne baalo me aise products ka istemal kar rahe hai jinme kayi tarah ke chemicals hote hai.

Jisse hamare baal kamjor ho kar jhadne lagte hai. Isliye agar aap apne baalo ko jhadne se bachana chahte hai toh iske liye jaruri hai ki aap apne baalo me chemical se bane huye cosmetics ka istemal na kare. Balki ho sake to apne baalo me herbal utpaado ka prayog kare, kyuki herbal cheeze aapke baalo ko utna nuksan nahi pahuchati jitna ki chemical se bani huyi cheeze.

Upar aapne jana Hair fall treatment in hindi ke bare me. Agar aap bhi apne hair fall ko kam karna chahte hai toh upar bataye gaye upaayo ko apnaye aur apne baalo ka jhadna kam kare. Iss tarah baalo ko swasth rakhne ke liye cosmetics hi jaruri nahi hote hai, unki sahi dekhbhal aur sahi ahar bhi bahut jaruri hota hai.

Long Hair Tips in Hindi – Gharelu Nukshe Lambe Baalo Ke Liye

Hair Care Tips in Hindi - Tips for Long and Silky Hair in One Month in Hindi

Long Hair Tips in Hindi: Lambe baal har mahila ki chahat hoti hai, lekin har mahila ka ye sapna pura nahi ho pata hai. Lambe baalo ki chahat hote huye bhi kayi baar baal kam hone ke kaaran baalo ko chota rakhna padta hai.

Kayi baar lambe baalo ki chahat me mahilaye kayi tarah ke upaay apnati hai, kayi tarah ke cosmetics ka prayog karti hai, lekin kayi baar itne upaay aur itne paise kharch karne par bhi unhe uska koi result nahi mil pata hai.

Lekin lambe baalo ke liye acche aur mehenge utpaad jaruri nahi hai, balki baalo ki sahi dekh bhal aur sahi ahaar ki jarurat hoti hai. Kayi baar ham apne khan pan par dhyan nahi dete hai jisse hamare sharir me andar se kamjori aa jati hai aur jiska seedha asar hamare baalo aur twacha par padta hai, jisse hamare baalo ki sahi growth nahi ho pati hai. Isliye jaruri hai ki ham apne baalo ki sahi dekh bhal kare aur unki acchi growth aur lambayi badane ke liye sahi ahaar le.

Aaj ham apne iss article me aapko kuch aise tips batane ja rahe hai jisse aap apne baalo ki lambayi bada sakti hai. Toh aaiye jante hai ki kis tarah se aap gharelu prayogo dwara apne baalo ki lambayi ko bada sakte hai.

Long hair Tips in Hindi – Silky, Lambe aur Hair Growth Ke Home Remedies

Gharelu upaay apnaye:

Agar aap apne baalo ko lambe banaye rakhna chahti hai toh iss baat ka jarur dhyan rakhe ki aap apne baalo par bahar ke cosmetics ka kam se kam prayog kare, kyuki market me uplabdh products aapke baalo ko nuksan  pahuchate hai.

Isliye jab bhi aap apne baalo ki dekh bhal ke liye kuch prayog me laye toh kosish kare ki wo gharelu hi ho.

Baalo ki safayi ka rakhe dhyan:

Baalo ko swasth aur lamba banaye rakhne ke liye ye jaruri hai ki aap apne baalo ki safayi ka dhyan rakhe. Kayi baar ham apne baalo ko samay-samay par dhote nahi hai jisse hamare baalo ki jado me gandgi jama ho jati hai aur iss gandgi ke kaaran baalo ki jado me infection aur rusi ki pareshani ho jati hai, jisse hamare baal kamjor ho jate hai aur unme kayi tarah ki pareshaniya paida ho jati hai.

Isliye apne baalo me ek hafte me kam se kam 2 baar oil jarur lagaye aur 2 baar apne baalo ko jarur wash kare.

Oil jarur lagaye:

Agar aap apne baalo ko sundar, lamba aur ghana banaye rakhna chahti hai toh samay-samay par apne baalo me oil lagate rahe, kyuki baalo ko poshan dene me oil bahut jyada aham hota hai. Isliye ye jaruri hai ki week me kam se kam 2 baar apne baalo me acchi tarah se oil laga kar massage kare.

Baalo me acchi tarah se oil massage karne se oil baalo ki jado tak pahuch jata hai, jisse baalo ko poshan milta hai.

Ye oil kare prayog:

Agar aap apne baalo ko lamba banaye rakhna chahte hai toh iske liye aap apne baalo me nariyal tel, badaam tel, jetun tel, sarso tel, shikakayi tel ya phir amla tel ka istemal kare.

Ye sabhi tarah ke oil baalo ke liye acche mane jate hai, isse balo ko poshan milega aur isse baalo ki lambayi badne me madad milegi.

Baalo ko jyada wash na kare:

Iss baat ka dhyan rakhe ki apne baalo ko roj wash na kare, kyuki baalo ko roj wash karne se baalo ki jado ka prakritik oil khatam ho jata hai, jisse baalo ki nami chali jati hai aur baal jhadne lagte hai.

Agar aap week me baalo ko 3-4 bar dhoti hai toh baal dhone ke kam se kam ek ghante pehle apne baalo me oil ya dahi jarur laga le.

Sahi ahar hai jaruri:

Baalo ki lambayi badane ke liye sahi ahaar bahut mahatvapurna hai. Agar aap sahi ahaar nahi lete hai toh bhi aapke baalo ki growth aur lambayi par asar padta hai.

Aksar aapne dekha hoga ki jab ham bimar padte hai toh hamare baal jhadne lagte hai kyuki uss samay ham sahi ahaar nahi le pate hai. Iss tarah hamare sharir ke liye sahi ahaar bahut jaruri hai.

Jyada color na kare:

Agar aap apne baalo ko swasth rakhna chahti hai toh apne lambe baalo ko jyada color na kare, kyuki color me kayi tarah ke aise bekar padarth hote hai jo hamare baalo ko nuksan pahucha sakte hai.

Sath hi agar aapke baalo me koi problem na hone par bhi problem shuru ho sakti hai.

Amla hai faydemand:

Baalo ko swasth banaye rakhne me amla bahut faydemand sabit hota hai. Amla me vitamin-C bharpur matra me paya jata hai, sath hi isme carytenoids, levons aur vilevonoids paye jate hai jo ki baalo ko badne me madad karte hai.

Iss tarah baalo ke liye amla ka sevan kafi faydemand hota hai. Iska sevan karne ke sath hi iska pack bana kar aap apne balo me lagaye.

Methi dana:

Agar aap apne baalo ko lamba banaye rakhna chahte hai toh methi dana aapke liye behad faydemand sabit ho sakta hai. Iske liye aap methi dana ko pani me bhigo le aur acchi tarah bheeg jane ke baad isko pees kar paste bana le, ab iss paste ko apne baalo me lagaye.

Isse aapke baalo ko lamba hone me madad milegi. Sath hi aapke baal ghane hoge aur safed bhi nahi hoge.

Iss tarah upar aapne jana ki baalo ko lamba banaye rakhne ke liye kya upaay kiye ja sakte hai. Toh agar aap bhi apne baalo ko lamba banaye rakhna chahte hai to upar bataye gaye upayo ko apnaye aur baalo ki lambayi ke sath unki sundarta ko bhi badaye.

Safed Balon Ka Ilaj – White Hair Treatment in Hindi

Safed Balon Ka Ilaj - White Hair Treatment in hindi

Safed baalo ko kaala karne ke liye gharelu upay

White Hair Treatment in Hindi – Pehle ke samay mai log jab budhe ho jate the ya unki umar 40 se upar ho jati thi, tab unke baal safed hote the, lekin agar dekha jaye toh aaj ke samay mai kam umar ke logo mein bhi safed baal hone ki pareshani dekhi ja sakti hai. Aaj ke samay ka khan-pan hi aisa hai jismai poshak tatvo ki kami hoti hai, jiske chalte kam umar mein hi logo ke baal safed hone lagte hai.

Iss tarah log jab iss pareshani se pareshan hote hai toh wo apne balo ko kaala karne ke liye market mai uplabdh kayi tarah ke utpaado ka prayog karte hai. Aise utpaad unke baalo ko thode samay ke liye kaala toh kar dete hai, lekin kuch samay baad wo phir se safed ho jate hai, iske alawa ye products hamare baalo ko anya kayi tarah ki pareshaniya bhi dete hai.

Iske alawa kayi baar safed baal hone ke karan aapko sharmindagi ka ahsaas hone lagta hai, jiske chalte aapka confidence low ho jata hai. Waise bazaar mai uplabdh products aap ke balon ko kaala toh kar dete hai lekin isse aapke baalo ki jhadne ki pareshani aur anya kayi pareshaniya bhi samne aane lagti hai.

Toh ab ghabrane ki baat nahi hai agar aap bhi apne safed balo se pareshan hai toh yaha kuch aise upay bataye ja rahe hai jo puri tarah se gharelu hai aur aapke baalo ko kisi tarah ka nuksaan bhi nahi pahuchayege.

Safed Balon Ka Ilaj – Balo ko Kala Karne ke Upaye

Toh aaiye jaante hai balo ko natural tarike se kala karne ke tariko ke bare mai, isse aapke baal bhi kale ho jayege sath hi aapke baalo ki growth bhi achche se hogi aur aapke baalo ka jhadna bhi kam ho jayega.

Amla hai faydemand:

Jab hamare baalo ki dekhbhal ki baat aati hai toh amla ka naam sabse pehle aata hai, kyuki amla ka sevan karna aur iska baalo mai istemaal karna, dono hi hamare baalo ke liye faydo se bharpur mane jate hai. Safed baalo ko kaala karne ka yeh ek natural tarika hai. Amla ki madad se baalo ko natural tarike se kaala banaya ja sakta hai. Iske liye amla powder ko lohe ke bartan mai rakhe aur ismai pani mila kar iska gadha paste bana le.

Ab iss paste ko 4-5 dino ke liye aise hi rakha rehne de. Lohe ke bartan mai rakhne ke karan iska rang puri tarah se kaala ho jayega. Ab iss paste ko apne baalo mai lagatar 2 din tak lagaye aur iss prayog ko mahine mai 3 baar kare. Aisa karne se aapke baal natural tarike se kale ho jayege aur balo ki anya samasyaye bhi dur hogi.

Reetha baalo ko kaala aur ghana banaye:

Reetha bhi balo ko kaala aur ghana banane mai madadgar sabit ho sakti hai. Iske upyog ke liye 100 gram reetha ke phal ki girli aur magar motha, 200 gram amla aur 250 gram shikakai le. Inn sab ko mila kar churna bana le. Ab iss misran mai ½ glass pani mila kar paste bana le.

Ab iss bane huye paste ko apne baalo mai lagaye aur jab aapke baal sukh jaye toh apne baalo ko gungune pani se dho le. Iss prayog ko karne se aapke baalo ka rang kaala hoga aur sath hi aapke baal chamakdar bhi banege.

Mehndi bhi hai behtar:

Baalo ko kaala karne ke liye prakritik hari mehndi ka istemal bhi kiya ja sakta hai. Iske liye mehndi lagane ke ek din pehle mehndi ko lohe ke bartan mai ghole aur mehndi ko gholne ke liye, ek glass pani mai chai ki patti ko ubal kar, uske pani ka istemal mehndi ko gholne mai kare.

Mehndi ko chai ki patti ke pani mai gholne ke baad iss mai nimbu ke ras ki kuch bunde dale. Raat bhar mehndi ko bhigone ke baad agle din mehndi ko apne baalo mai lagaye aur 3 ghante baad apne baalo ko saade pani se dhoye aur iske agle din apne baalo mai shampoo kare. Iss tarah iss prayog se aapke baalo ko kaala kiya ja sakta hai.

Aloe vera:

Waise toh aloe vera ka istemaal twacha ko nikharne ke liye kiya jata hai lekin kya aap jante hai ki ye hamare baalo ke liye bhi kafi faydemand sabit ho sakta hai. Ji haan baalo mai hone wale kayi tarah ke infections ko dur karne ke liye aloe vera ka istemal kiya jata hai. Usi tarah baalo ko safed hone se bachane ke liye bhi aloe vera ka prayog kiya jata hai.

Iske alawa iske prayog dwara baalo ka jhadna kam ho jata hai sath hi baalo mai dandruff ki samasya bhi dur hoti hai. Iske prayog ke liye aloe vera ki patti ka guda (Pulp) nikal kar sidhe hi baalo mai aur jado mai lagaye aur kam se kam 1 ghante ke baad apne baalo ko dho le. Iss prayog ko hafte mai 2 baar jarur kare. Isse aapko apne baalo mai jaldi hi fark dikhayi dega.

Labhkari methi:

Methi ka istemal bhi hamare baalo ke liye bahut labhkari sabit ho sakta hai. Agar dekha jaye toh methi mai wo sabhi tatva paye jate hai jo hamare baalo ke liye labhkari hote hai. Iske liye aap methi ko lagane se ek din pehle isko pani mai bhigo de, jab ye bhig jaye toh ise pani se alag karke isko pis kar iska paste bana le. Ab iss bane huye paste ko apne baalo mai lagaye.

Aap chahe toh methi dana se bana hua powder bhi istemal kar sakte hai aur usse bane huye paste ko apne baalo mai apply kar sakte hai. Isse aapke baal kale hoge aur sath hi balo mai dandruff ki pareshani bhi nahi hogi.

Nariyal ka tel aur jetun tel (Coconut oil and olive oil):

Kayi baar sharir mai jyada garmi ke karan bhi hamare baal kam umar mai hi safed hone lagte hai, aise mai hamare sar ko thandak dene ke liye nariyal ke tel ka istemal kiya ja sakta hai. Iske liye nariyal ke tel aur jetun ke tel ko barabar matra mai mila kar apne sar mai lagaye aur halke hatho se apne sar ki malish kare.
Ab garam pani mai toliya ko bhigo le aur iss toliye se apne baalo ko kam se kam 5 minute ke liye dhake. Isse aapke baalo ki jado tak tel pahuchega aur aapke baalo ka safed hona kam ho jayega sath hi baalo ka jhadna bhi band ho jayega.

Chai patti banaye baalo ko kaala:

Chai patti ki madad se bhi baalo ko kaala kiya ja sakta hai. Iske upyog ke liye ek glass pani mai 2 chammach chai patti daal kar ubaal le. Ise tab tak ubale jab tak ki ye ½ glass na ho jaye. Ab iss pani ko thanda hone de, jab ye pani thanda ho jaye toh iss pani ko chankar spray bottle mai bhar le aur apne baalo mai spray kare.

Ab apne baalo ko ek ghante tak aise hi rehne de aur ek ghante ke baad apne baalo ko saade pani se dho le. Dhone ke next day baalo mai shampoo kare. Isse aapke baal natural tarike se kaale hoge.

 

Upar apne jana safed baalo ko kala karne ke gharelu upay ke bare mai. Toh agar aap bhi apne safed baalo se pareshan hai toh upar bataye gaye kisi bhi prayog ko kare aur natural tarike se apne baalo ko kaala banaye. Upar bataye gaye prayogo dwara na sirf aapke baal kaale hoge balki baalo ki anya pareshaniyo se bhi aapko chutkara milega.

Amla Benefits in Hindi – Amla ke Use aur Uske Fayde

amla benefits in hindi - amla oil aur juice

Amla prakriti dwara pradan kiya gaya ek aisa fal hai jo ki bahut sare guno se bharpur hai. Amla ko har marj ki dawa kaha ja sakta hai. Amla ki agar baat ki jaye toh ye hamare pachan tantra ko majbut banane mai bahut madad karta hai aur sath hi hamare sharir ko swasth rakhne mai bhi bahut madadgar sabit ho sakta hai.

Amla se taiyar kiya gaya murabba, achar, juice, mithayi, powder aur jam khane se hame kayi swasth labh mil sakte hai. Ham ise kachcha bhi kha sakte hai.

Niyamit rup se amle ka sevan karne se budapa dur rehta hai aur sath hi kayi bimariya jaise, bawasir, madhumeh, dil ki bimari aur naksir (Epistaxis) se ham dur reh sakte hai. Iss tarah amla hamari sehat ke liye bahut hi labhdayak hota hai.

Amla benefits in Hindi – Isse hone wale har tarah ke fayde ke bare mai baat karege. Amla mai vitamin-C prachur matra mai paya jata hai. Ek amle mai 3 santre ke barabar vitamin-C paya jata hai. Ye hamari aankho, baalo aur pure sharir ko swasth rakhne mai madadgar hota hai. Toh aaiye jante hai benefits of amla ke bare mai.

Amla Benefits in Hindi – Jaane Fayde Amla Oil, Juice aur Churne Ke

amla benefits in hindi - amla oil aur juice

Diabetes mai faydemand:

Diabetes ke patients ke liye amla behad faydemand sabit ho sakta hai. Iske liye madhumeh ke rogi ko amla juice ka sevan karna chahiye, isse sharir mai sugar level niyantrit rehta hai. Iske alawa aap chahe toh haldi ke churna ke sath amla mila kar sevan kar sakte hai.

Isse bhi aapko diabetes mai fayda mil sakta hai. Iss tarah amla madhumeh ke rogi ke liye faydemand sabit ho sakta hai.

Heart diseases mai faydemand:

Dil ke rogiyo ke liye amla kafi madadgar hota hai. Amla khane se dil majbut banta hai. Dil ke rogi ko rojana kam se kam 3 amle ka sevan karna chahiye. Ya phir aap isse bane murabbe ka bhi sevan kar sakte hai. Isse aapki dil ki bimari dur hogi.

Pathri (Stone) mai faydemand:

Pathri hone par amle ka sevan aapko fayda de sakta hai. Iske liye pathri ke rogi ko sukhe amle ke churna ko muli ke ras me mila kar kam se kam 40 din tak sevan karna chahiye. Isse aapki pathri (Stone) thik ho sakti hai.

Urine aane me jalan ki samasya ko dur kare:

Jab kabhi bhi aapko peshab (Urine) aane mai jalan ki shikayat ho toh aise mai amla ke ras ko shehad ke sath mila kar sevan kare. Isse aapki jalan khatam ho jayegi aur sath hi aapko urine bhi saaf aayegi.

Pachan ko thik rakhe:

Amla ke sevan se aapka pachan sahi dhang se chalta hai. Iss tarah iske sevan se aapko kabj, gas aadi ki samasya nahi rehti hai aur aapka pet saaf rehta hai. Toh agar aap bhi apach aur kabj se pareshan hai toh amla se bane khadya padartho ka sevan karna shuru kare.

Bawasir (Piles) mai de rahat:

Amla ka sevan bawasir ko thik karne me bhi madad kar sakta hai. Iske liye bawasir ke rogi ko rojana sukhe amle ke barik churna ko gay (Cow) ke doodh ke sath subah aur sham dono samay lena chahiye. Isse bawasir mai fayda mil sakta hai.

Naksir (Epistaxis) me de rahat:

Agar aapki naak (Nose) se khoon nikalta hai, ya phir kayi dino se aap aisi kisi samasya se pareshan hai toh amla aapki iss samasya mai fayda de sakta hai. Iske liye amle ko barik pis kar bakri (Goat) ke doodh me mila kar paste bana le aur iss paste ko apne sar aur mastishk par lagaye.

Isse aapko araam milega aur naak se khoon behna band ho jayega. Iske alawa aap chahe toh amle ke ras ki kuch bunde naak me dale, isse kuch minutes me hi aapko fayda milega. Iss tarah jo log epistaxis se pareshan hai unn logo ko amle ke juice ka sevan karna shuru kar dena chahiye.

Khansi me araam de:

Amla ka sevan karne se aapki khansi mai bhi araam mil sakta hai. Iske liye amla ke murabbe ko gaay (Cow) ke doodh ke sath din mai 3 baar khaye, isse aapko khansi mai araam milega.

Iske alawa agar aapko jyada tez khansi aa rahi hai toh aap amla ko shehad (Honey) ke sath mila kar khaye. Isse aapki khansi thik ho jayegi.

Baalo ke liye faydemand:

Amla baalo ke liye har tarah se faydemand hai. Ye baalo ki har tarah ki problem ko dur karta hai. Iske niyamit sevan se aapke baal kabhi bhi safed nahi hoge. Iske liye rojana 5 gram amla powder ka sevan kare, isse aapke baal hamesha kale bane rehte hai aur aap jawan dikhayi dete hai.

Aap chahe toh iska ras nikal kar bhi apne baalo mai laga sakte hai. Isse bhi aapke baalo ko poshan milega aur aapke baal swasth rahege.

Skin infection ko dur kare:

Skin ke kisi bhi tarah ke infecton ke liye amla powder aapki kafi madad kar sakta hai. Jab kabhi bhi aapki twacha me khujli ki samasya ho toh iske liye aap amla powder ko kisi bhi oil me mila kar malish kare. Isse aapki khujli me bhi araam milega aur sath hi ye kisi bhi tarah ke skin infection ko bhi dur karne mai madad kar sakta hai.

Sar dard me rahat de:

Agar aap sar dard se pareshan hai toh amle ke sevan se aapko sar dard me araam mil sakta hai. Iske alawa amle ko pis kar, uska paste bana kar apne sar par lagane se bhi sar dard mai araam milta hai. Iss tarah agar aapko sar dard ki bahut jyada pareshani hai toh rojana amle ka sevan kare.

Concentration ko badaye:

Amla ka sevan aapke dimag ke liye bahut faydemand hota hai. Iske sevan se na keval aapka concentration badta hai balki ye aapke dimag ko tez bhi banata hai. Iss tarah amla ka regular sevan se aapko sabse bada benefit ye hai ki isse aapka dimag tez hoga.

Aankho ki roshni badaye:

Amla vitamin-C ka achcha source hai aur vitamin-C hamari aankho ke liye bahut faydemand hota hai. Iss tarah iska sevan rojana karne se hamari aankho ki jyoti badti hai aur hamari aankhe swasth rehti hai. Toh agar aap bhi apni aakho ki roshni ko badana chahte hai toh aaj se hi iska sevan karna shuru kare.

Khoon ko saaf kare:

Amla hamare khoon ko saaf karne ka bhi kaam karta hai. Iss tarah amla ka juice pine se aapke khoon ko saaf kiya ja sakta hai. Iska sevan hamare sharir ke vishakt padartho ko bahar nikalne mai madad karta hai. Iss tarah amla ka sevan har tarah se hamare sharir ke liye faydemand hai.

White discharge ko dur kare:

Kayi mahilao ko white discharge ki bahut jyada problem rehti hai, jiske chalte unke sharir mai kamjori aa jati hai. Iss pareshani se nijat pane mai amla aapki madad kar sakta hai. Iske liye 3 gram amla ke powder ko 6 gram shehad ke sath mila kar lagbhag ek mahine tak lagatar sevan karne se mahilao ko iss pareshani se mukti mil sakti hai.

Sharir mai energy banaye rakhe:

Agar aap apne sharir mai pure din energy banaye rakhna chahte hai toh rojana iska sevan kare. Ye hamare sharir ko puri tarah se swasth rakhne mai kafi madad kar sakta hai. Toh agar aap swasth rehna chahte hai toh taza amla ke ras mai shehad ko mila kar piye aur uske baad upar se doodh ka sevan kare.

Isse aapka swasth hamesha ke liye achcha bana rahega aur pure din bhar aapke sharir mai energy bani rahegi.

Amla Benefits in Hindi – Iss tarah agar dekha jaye toh amla ka sevan karne ke kayi sare fayde hai, jo hame kayi bimariyo se dur rakhte hai. Iss tarah agar aap bhi swasth rehna chahte hai toh amla ka sevan kisi bhi rup mai kare, ye aapke liye swasth vardhak hi hoga.

Multani Mitti for Hair and Skin: Gun aur Usse Hone Wale Fayde

Multani Mitti Pack fayde nuskhe in hindi

Multani mitti ek aisa prakritik utpaad hai jisse aap apni twacha ko nikhar sakte hain. Multani mitti me sabhi prakaar ke utpadon ke gun hote hain. Ise kisi bhi prkaar ke sahayak utpaad ki jarurat nahi hoti hai, yeh apne aap me hi sampoorna hai. isse twach komal, saaf aur chamakdar ho jati hai. Multani mitti me magnesium chloride hota hai, jisse twacha chamakdaar banti hai aur isse twacha ki sari kamiyan door hoti hain.

Jaisa ki hamne bataya ki multani mitti apne aap me hi sampoorna hai, kyuki ise aap akele hi chehre par laga sakte hain. isse aapke chehre ki cleansing ke sath sath scrubbing bhi ho jati hai. Ise aap facepack ke roop me istemaal kar sakte hain. Iske saath hi hota hai, multai mitti se kisi bhi prkaar ka koi bhi side effects nahi hote hain, yeh prakritik guno se bharpoor hai.

Multani mitti ko aap seedhe hi pani me bhigokar face pack ki tarah apne face apr laga sakti hai. Ye swasth aur chamakdaar twacha pane ka sabse achcha aur saral tareeka hai. toh aaiye aaj hum jaante hain multani mitti ke guno ke bare me aur ham ye bhi janenge ki usse hame kya kya labh hote hai.

Multani Mitti For Hair and Skin – Asan Gharelu Nuskhe in Hindi

Multani Mitti Pack fayde nuskhe in hindi

1. Skin Cleanser:
Multani mitti ek achche cleanser ka kaam karti hai. ye hamari twacha se gandgi ko achchi tarah nikaal deti hai. ye har tarah ki twacha ke liye kaargar hai. jaise agar aapki twacha oily hai toh multani mitti ko gulab jal ke saath milakar lagaye aur agar aapki twacha dry hai toh aap baadam paste ke sath multani mitti ko milakar lagaye, isse aapki twacha chamkdaar banegi.

2. Skin Scrubber:
Cleansing ke sath sath ye ek achche scrub ke roop me bhi kaam aati hai. scrub ke dwara hum apne chehre ke black heads aur white heads nikaalte hai, isi prakaar multani mitti k prayog se hamare chehre ke black heads aur white heads nikal jate hai, aur twacha bhi swasth rehti hai.

You may also like: Fair Glowing Skin: Saaf Twacha Pane Ke Gharelu Nuskhe in Hindi

3. Multani Mitti for Fair Skin:
Multani mitti rang nikharne me bhi madadgaar hai. multani mitti ke niyamit prayog se aapka rang hi nikhar sakta hai, kintu aapko iska prayog niyamit roop se karna padega. Ek ya do baar ke prayog se aapko result nahi mil payega. Iske saath hi yadi aapke chehre par tanning ho gayi ho toh use bhi multani mitti ke niyamit prayog se thik kiya ja sakta hai aur twacha ko nikhara ja sakta hai.
Multani mitti me itne gun hai ki iske prayog se aapki twaccha me nikhar aa sakta hai. isse aapki twacha ki rangat badhti hai aur twacha chamakdaar ho jati hai. Agar aapki twacha dry hai toh sardiyon me iska prayog karne se thoda bache kyuki sardiyon me isse twacha me rookhapan aa jata hai.

5. Muhaso se Chutkara:
Multani mitti ek aisa prakritik facepack hai jiske prayog se aapke chehre par hone wale muhase bhi thik ho sakte ai sath hi agar chehre par daag dhabbe ho gaye hain toh multani mitti ke prayog dwara unhe bhi thik kiya ja sakta hai. Isse chehre ki sujan ko bhi door kiya ja sakta hai.

You may also like: Chehre Ke Daag Dhabbe Kaam Karne Ke Aasan Gharelu Upay

6. Skin Toner:
Multani mitti skin toner ka bhi kaam karti hai. Agar aapke chehre par kisi bhi prakaar ke daag ya dhabbe hai toh multani mitti ke niyamit prayog se chehre ke daag dhabbe khatam ho jate hai aur twacha ek saman dikhayi dene lagti hai. iske prayog se chehre ke safed daag bhi thik ho jate hai.

7. Hair Care:
Multani mitti ko baalo par direct bhi laga sakte hain. sath hi agar aap multani mitti ko amla ras ke sath bhigokar paste bana le aur ise apne baalon par mehendi ki tarah laga le, ise 10-15 minute tak rakhen aur saade pani se dho le, isse aapke baal chamakdaar honge sath hi aapke baalon ko poshan bhi milega.

Is prakaar yahan hamne aapko multani mitti ke guno aur usse hone wale laabh ke bare me bataya, jisse aap apni twacha ki prakritik roop se cleansing, scrubbing aur toning kar sakti hain, sath hi ye ek achcha face pack hai, jiske koi side effect bhi nahi hai.