Fat Loss Tips in Hindi – How to Lose Weight at Home

FAT LOSS TIPS in hindi

Fat loss tips in Hindi – Aaj ke samay me har vyakti motape aur sharir ke jyada wajan se pareshan hai. Kayi baar log apne fat ko kam karne ke liye khana kam kar dete hai, lekin khana kam kar dena motape ka hal nahi hai.

Kabhi kabhi kam khana khane ke kaaran bhi hamara motapa bad jata hai. Iske alawa kuch log khane par dhyan na dekar jarurat se jyada vyayaam karte hai, jo ki unke liye hanikarak sabit ho sakta hai, kyuki vyayam ke sath sahi ahaar bhi bahut jyada jaruri hota hai.

Iss tarah ke upaayo ko aapne khoob kiya hoga lekin inko karne se aapko fat kam karne me safalta nahi mili hogi. Ji haan motapa kam karne ke liye ye jaruri nahi hai ki aap kam khana khaye, jaruri ye hai ki aap kya kha rahe hai uss par dhyan de.

Kyuki aaj ke samay ki dincharya hi puri tarah se bigad chuki hai, jiske chalte logo ka sharir ya toh jarurat se jyada mota ho jata hai ya phir wo bahut jyada patle ho jate hai.

Aaj ham apne iss article me aapko kuch aise tips dene ja rahe hai jinko apna kar aapko pata chalega ki motapa kam karne ke liye kya karne ki jarurat hai, aur motapa kam karne ke liye aapko kya nahi karna chahiye.

Fat Loss Tips in Hindi – Weight ko Kaam aur Bahdne Se Roke

FAT LOSS TIPS in hindi

Tho aaiye jante hai kuch aise tips jisse aap fat ko kam kar sakte hai.

Pani ka jyada se jyada sevan kare:

Pani ka sevan aapke sharir ke liye behad faydemand mana jata hai, aap jitna jyada pani ka sevan karte hai usse aapke sharir ke toxin padarth bahar nikalne me madad milti hai, jisse aapka sharir andar se saaf rehta hai aur sharir me bekar padarth jama nahi ho pate hai.

Khana khane ke baad kaam se kaam ek ghante pehle bhi aapko pani ka sevan karna chahiye. Pani ka jyada se jyada sevan karne se aapka pet bhara rehta hai aur aapko bhukh kam lagti hai, sath hi pani aapke bhojan ko pachane me sahayak hota hai, jisse aapka pet bhi thik rehta hai.

Diet chart banaye:

Agar aap sach me apna fat kam karna chahte hai toh iske liye aapko ek diet plan banane ki jarurat hai, kyuki jab tak aap apne diet plan ko lekar serious nahi rahege tab tak aap kabhi bhi patle nahi ho sakte hai.

Isliye jaruri hai ki aap ek diet chart taiyar kare aur use follow karte huye apne motape ko kam kare, kyuki isse aapko motapa kam karne me madad milegi.

Snacks ko kahiye bye bye:

Agar aap sach me apne sharir ke fat ko kam karna chahte hai toh snacks khana band kare.
Kyuki kayi baar dekha jata hai ki log khana toh khate hi hai sath hi beech beech me kayi baar snacks bhi kha lete hai jisse wo jyada calories consume karte hai aur isse sharir me fat badta jata hai.

Sahi neend le:

Sahi neend na lene se bhi sharir me motapa badta hai. Kayi log jarurat se jyada sote hai jisse unke sharir ki calories burn nahi hoti hai aur kuch log bahut kam sote hai jisse unhe bhookh lagti rehti hai aur wo khate rehte hai. Jisse unka sharir jyada calories consume karta hai.

Ek research se pata chala hai ki 7 se 8 ghante se kam neend lene par bhukh paida hoti hai aur aap khate rehte hai jisse motapa badta jata hai. Isliye har vyakti ko kam se kam 7 se 8 ghante ki neend lena jaruri hai.

Sharirik kaam kare:

Kayi log pure din me sharirik kriya ko karte hi nahi hai, kyuki aapke pass kahi bhi jane aane ke liye car aur bike hoti hai. Iske alawa ghar me bhi aap baithe hi rehte hai, bahar office me kaam karte samay bhi aap baith kar hi kaam karte hai.

Aise me aapke sharir ki calorie burn nahi ho pati hai aur motapa badta jata hai. Isliye jaruri hai ki aap stairs (Sidiyo) ka prayog kare aur jitna ho sake paidal chale.

Protein ka sevan kare:

Hamare sharir ke liye protein behad jaruri mana jata hai. Protein ka sevan karne se hamare sharir ki manspeshiya banti hai aur fat burn hone me madad milti hai sath hi iske sevan se pet bhi bhara rehta hai.

Agar aap chahe toh protein ka sevan karne ke liye protein shake ka bhi sevan kar sakte hai.

Kai tarah ke vyayam kare:

Wajan ko kam karne ke liye aap kayi tarah ke vyayam ko apna sakte hai. Agar ho sake toh ek baar me kayi tarah ke vyayam ko apnaye.

Jaise 5 minute cardio tredmil kar le, stretching kare, bent over row kare. Iss tarah aap ek hi samay me kayi tarah ke vyayam kare.

Iske alawa aap thaka dene wale vyayam ko ek sath mila de to aap wajan ko jaldi kam kar sakte hai aur push ups karte karte aap burpi kar sakte hai. Iss tarah ke vyayam ko apna kar aap jaldi wajan kam kar sakte hai.

Exercise Mai Jyada Rest na Kare:

Jab bhi aap exercise kar rahe ho toh beech beech me jyada rest karne se bache. Agar aap jyada thakan mehsus kar rahe hai toh aise me aap 10 se 30 second tak ka rest le sakte hai.

Simple cheeze apnaye:

Agar aap wajan kam karna chahte hai aur aapke pass gym join karne ke liye paise nahi hai toh aap simple cheezo ko bhi apna sakte hai. Iske liye aap rojana walk kare, rassi koode. Rassi koodna asaan hota hai.

Iske liye aap pehli baar me 50 baar rassi koodiye aur baad me ise bada kar 100 kar dijiye. Ye bhi aapke wajan ko kam karne me madadgar ho sakta hai.

Liquid calorie hataye:

Dekha jaye toh liquid calorie bhi hamare fat ko badane mai sahayak hoti hai aur lagbhag 65% log cold drinks aur sugar wale pey bahut jyada peete hai, jisse pet bhi nahi bharta aur hamara sharir jyada matra me calorie bhi consume karta hai. Iss tarah ye hamare fat aur calorie ko badate hai.

Bad carbs ko hataye:

Apne ahaar se bad carbs ko hatane ki kosish kare, kyuki ye aapke sharir me fat ko badate hai. Agar aapko sharir ka fat kam karna hai toh apne ahaar se chawal, bread aur pasta ko hata kar fal aur sabjiyo ko shamil kare.

Kyuki fal aur sabjiya aapke sahrir ko poshan deti hai aur fat bhi nahi badati.

Weight lift kare:

Aap purush ho ya phir mahila, weight lift kare. Ji haan agar aap apne sharir ka fat kam karna chahte hai toh iske liye aap weight lift kare, kyuki weight lift karne se fat burn hota hai.

Isse sharir ki manspeshiya banti hai aur metabolism badta hai. Jab bhi aap wajan uthate hai to bahut tezi se calories burn hoti hai.

Khane ka hisab rakhe:

Kayi log din bhar thode samay ke baad khate hi rehte hai aur isse wo bahut jyada calorie consume kar lete hai aur unhe pata hi nahi chalta ki unhone kitna khaya. Isliye aapko iss baat ka pata hona chahiye ki aap ne din bhar me kitna khaya.

Iss tarah upar aapne jana aisi kuch tips ke bare me jisse aap fat ko kam kar sakte hai. Toh agar aap bhi fat kam karna chahte hai to upar bataye gaye upayo ko apnaye aur fat ko kam kare.

Related Post