Glycerin for Skin and Face in Hindi – ग्लिसरीन त्वचा के लिए

Glycerine for skin, face and ueses

Glycerin benefits for skin in Hindi – Glycerin hamari twacha ke liye behad faydemand mani jati hai, ye hamari twacha ko soft rakhne mai madad karti hai. Waise glycerin ka kayi tarah se medical mai prayog kiya jata hai.

Lekin sundarta badane wale kayi tarah ke products mai iska istemal kiya jata hai. Iss tarah glycerin twacha ke liye ek dawa ka kaam karti hai.

Khas kar sardiyo ke dino mai glycerin ka bahut jyada upyog kiya jata hai, kyuki sardi ke samay mai hamari twacha rukhi aur bejan lagne lagti hai aur usme nami ki kami aane lagti hai, isliye sardiyo ke samay mai log kayi tarah se glycerin ka prayog karte hai, kyuki ye hamari twacha ko soft banane mai madad karti hai.

Glycerin ka prayog pure sharir par kiya ja sakta hai aur kisi bhi tarah ke face pack mai mila kar ise lagaya ja sakta hai.

Aaj iss article mai ham glycerin se hone wale skin benefits ke bare mai batane ja rahe hai, jisse aap apni rukhi aur fati huyi twacha par iska istemal karke apni twacha ko sundar bana sakte hai. Toh aaiye jante hai glycerin benefits in hindi ke bare me.

ग्लिसरीन के फ़दये हिंदी मैं – Glycerin for Skin and Face with Uses

Glycerine for skin, face and ueses

Glycerin for Skin:

Glycerin hamari twacha ko poshan dene mai kafi madadgar sabit hoti hai. Agar dekha jaye toh kayi tarah ke skin products mai glycerin ka prayog kiya jata hai, kyuki ye hamari twacha ko poshan dene ka kaam karti hai. Aise me agar aap glycerin ko apni twacha par lagate hai toh isse aapki twacha ko jaruri poshan milta hai aur wo bejan nahi rehti hai.

Glycerin hamari twacha mai pani ki nami ko banaye rakhne mai madad karti hai, iske alawa aap apni twacha ko poshan dene ke liye kisi bhi tarah ke face pack mai glycerin ko mila kar apne chehre par laga sakte hai, isse aap apni twacha ko sundar aur chamakdar banaye rakh sakte hai.

Glycerin for Dry Skin:

Glycerin ka sabse bada fayda ye hai ki ye hamari rukhi twacha ko nami dene mai sahayak hai. Khas kar sardiyo ke dino mai jab twacha bahut hi rukhi aur khushk ho jati hai toh aise mai glycerin ke istemal se ise komal banaya ja sakta hai.

Iske alawa isme kayi aise aushadhiya gun paye jate hai, jo hamari twacha ki raksha karne mai sahayak hote hai.

Sun tanning ko hataye:

Sun tanning aur sun burn ko kam karne mai bhi glycerin madadgar sabit ho sakti hai, iske liye aap nariyal ke tel mai glycerin ko mila kar lagaye, isse dhup se jali huyi twacha mai aram milta hai.

Aap chahe toh raat ko sote samay ise apne chehre par lagaye aur subah hone par apne chehre ko dho le aur iss prayog ko aap rojana kar sakte hai. Isse aapko sun burn aur sun tan mai fayda milega.

Fati twacha ke liye faydemand:

Jyadatar hamari twacha sardiyo ke samay mai hi fati huyi dikhayi deti hai. Aise mai agar aap apni fati huyi twacha par glycerin lagate hai toh isse aapki fati huyi twacha thik ho jati hai aur twacha soft banti hai. Baccho aur bado ko nariyal tel mai glycerin mila kar lagane se unke hath pair nahi fatte hai.

Iske alawa kayi baar hamari aidiya fatne lagti hai, phir chahe sardi ho ya garmi. Aise mai fati aidiyo ke upchar ke liye aap raat ko sote samay apni fati aidiyo mai glycerin lagaye aur moje (socks) pehen kar so jaye, iss prayog ko karne se jaldi hi aapko fati aidiyo mai araam mil jayega.

Twacha ki cleansing kare:

Glycerin hamari twacha ki cleansing karne mai madadgar hoti hai, ye ek tarah ka prakritik cleanser ka kaam karti hai. Iske liye aap gulab jal mai glycerin mila kar apne chehre aur sharir mai laga sakte hai, isse aapki twacha mai nikhar aata hai.

Iske alawa raat ko sote samay aap iss mishran ko lagaye aur subah hone par ise dho le, isse aapki twacha saaf aur soft rehti hai.

Wrinkles ko dur bagaye:

Agar aap badti huyi umar mai hai aur aapki twacha me wrinkles aane lagi hai toh aise mai glycerin aapke liye faydemand sabit ho sakti hai.

Iske liye aap rojana apne chehre par glycerin ko gulab jal ke sath mila kar lagaye, isse aapki badti huyi umar ko roka ja sakta hai aur wrinkles ko kam kiya ja sakta hai.

Muhaso ko dur bhagaye:

Glycerin muhaso ko dur karne mai bhi sahayak sabit hoti hai. Iske liye 3 chammach gulab jal aur 3 chammach nimbu ke ras me 1/3 chammach glycerin daal kar acchi tarah se mila le.

Ab iss mishran ko hafte mai kam se kam 3 baar jarur lagaye, isse na sirf aapke muhase dur hoge balki aapki aankho ke neeche ke kale ghere bhi dur ho jayege.

Twacha ko de nikhar:

Glycerin hamari twacha ko puri tarah se nikhar dene mai sahayak hai, kyuki ye hamare chehre ko saaf karne mai, muhaso ko hatane mai, dag-dhabbo ko hatane mai aur tanning aadi hatane mai sahayak hai. Iss tarah ye hamari twacha mai sahi nikhar lane mai bahut hi sahayak sabit ho sakti hai.

Iss tarah upar aapne jana glycerin ke faydo ke bare mai. Toh agar aap bhi sundar aur saaf twacha pana chahte hai toh glycerin ka prayog kare, isse aapki twacha me nami bani rahegi aur aapki twacha damakti rahegi.

Related Post