Hari Mirch – Green Chill Khane Ke Fayde in Hindi

hari mirch khane ke fayde aur nuskha

Agar teekha kehna kisi ko pasand ho aur uske saamne agar hari mirch yani ke green chilli ka naam le liye jaye toh uske muh me pani aa jata hai.

Bharat ek aisa desh hai jaha par kisi bhi program ya kisi bhi tarah ke khane me hari mirch ko khane ke sath rakha hi jata hai, aur agar hari mirch ko na rakha jaye toh aapke khane ki thali adhuri lagti hai. Lekin kya aap jante hain is hari mirch ko khane se aapko kuch health benefit bhi milte hai?

Ji haan ! Hari mirch ko khane ke apne hi kuch fayde hai. Dikhne me hare rang ki dikhai dene wali ye hari mirch swaad me teekhi hoti hai aur ise khane me agar shamil kiya jaye toh aapko kayi tarah ke swasth laabh mil sakte hain. Toh aaj ham is article me aapko hari mirch ko khane ke faydon ke bare me hi batane ja rahe hain.

Bharat me payi jaane wali hari mirch me kuch aushadhi ke gun paye jate hain, ye sharir ke kayi tarah ke rogon ko khatam karne ki kshamta rakhti hai. Isliye hame rozana apne bhojan me ek hari mirch ka sevan jarur karna chahiye. Jab hari mirch ko sukh kar laal mirch bana diya jata hai, tab ye utni labhkari nahi reh jati, jitni ki ye hare rehne par hoti hai.

Isliye laal mirch, hari mirch ki tulna me hanikarak mani jati hai. Hari mirch aapke khoon me hemoglobin ki kami ko bhi pura karti hi, iske alawa bhi iske kayi swasth laabh hai. Toh aaiye jante hain hari mirch se hone wale faydon ke bare me.

hari mirch khane ke fayde aur nuskha

Khane ko jaldi pachaye:
Jab bhi ham hari mirch khate hain toh isse hamare muh ka saliba release hota hai aur saliva hamari pehchan ko sahi dhang se chalane ke liye bahut mahatvapurna hota hai. Wahi expert ki mane toh hari mirch saliva ko release karne ke liye bahut aham hoti hai, jisse hamara pachan tantra thik dhang se chalta hai. Iske alawa agar dekha jaye toh hari mirch me fiber bhi hota hai, jiske kaaran aapko kabhi bhi kabj ki shikayat nahi hoti hai. Is tarah hari mirch ka sevan karne se aapka bhojan bhi sahi dhang se pach jata hai aur aapko pet se sambandhit kisi tarah ki koi bhi pareshani nahi hoti hai.

Cancer se bachati hai:
Hari mirch me antioxidant gun paye jate hain, jo ki shareer ki rog pratirodhak kshamata ko badalte hain. Sath hi iska niyamit roop se sevan karne se cancer jaisi khatarnak bimari se bhi bacha ja sakta hai.

Stomach cancer se bachav:
Iske sevan karne se aapko stomach cancer se bachav milta hai. Hari mirch vital nutrients ka achcha source hai, jo ki aapko stomach cancer ke khatre se hamesha dur rakhta hai Isliye aaj se apne bhojan me ek hari mirch ko jarur shamil karen.

Bacterial infection se bachati hai:
Hari mirch me anti bacterial gun paye jate hain jisse iske sevan se kisi bhi tarah ke infection hone ki sambhavna kam ho jati hai. Hari mirch ka sevan karne se kisi bhi tarah ke twacha rog bhi nahi hote hain aur aapki twacha hamesha jawan rehti hai.

Lung cancer se bachati hai:
Kayi shudhu se pata chala hai ki hari mirch ka sevan karne wale logon ko kabhi bhi lung cancer ke jaisi bimari nahi hoti hai, iska sabse pramukh karan ye hai ki hari mirch ka sevan karne se lungs me kisi bhi tarah ka bacterial infection nahi hota hai jisse lung cancer jaisi bimari hone ki sambhawnaye bahut kam hoti hain. Is tarah jo bhi vyakti smoking karte hain unke lungs me infection hone ki bahut sambhawnaye hoti hai, isliye smoking karne wale logon ko rozana apne bhojan me ek hari mirch ka sevan jarur karna chaiye, isse unke lungs me kisi bhi tarah ka bacterial infection nahi hoga aur wo lung cancer se bach sakte hain.

Twacha ko jhaiyon (Wrinkle) se bachati hai:
Hari mirch me twacha ko jawan rakhne ke gun paye jate hain. Jo log apne ahar me hari mirch ko shamil karte hain un logon ki twacha me jhaiyan nahi aati hai aur unki twacha hamesha jawan bani rehti hai. Iske alawa hari mirch me vitamin-E paya jata hai jo twacha ke liye faydemand tel ka nirmaan karta hai, is tarah yadi aap hari mirch khate hain toh aapki twacha apne aap hi achchi ho jayegi. Isliye yadi aap bhi apni twacha ko jawan rakhna chahte hain toh apne ahar me ek hari mirch ko jarur shamil karen.

Diabetes ko control karti hai:
Hari mirch khane ke fayde ki baat karen toh hari mirch ko khane se aapki diabetes control me rehti hai. Isko khane se aapke shareer ka blood sugar level balance ho jata hai. Is tarah jis bhi vyakti ko diabetes ho use apne ahar me ek hari mirch jarur shamil karna chahiye.

Shareer me iron ko badhati hai:
Hari mirch ko khane ka sabse achcha benefit ye hai ki iska sevan karne se aapke shareer me iron ki purti hoti hai. Agar dekha jaye toh mahilao me adhikar iron ki bahut kami hoti hai jiske kaaran wo bahut kamjor dikhayi deti hai aur unme energy bhi nahi rehti hai is tarah agar mahilaye iska sevan apne bhojan ke sath karen toh unke shareer me kabhi bhi iron ki kami nahi hogi aur unke shareer me iron ki purti hoti rahegi.

Purusho ke liye bhi hai faydemand:
Hari mirch ka sevan purusho ke liye bhi bahut faydemand hai. Purusho ke liye iska sabse bada fayda ye hai ki iska sevan karne se purushan me hone wale prostate cancer ka khatra kam ho jata hai. Isliye purusho ko bhi apne ahar me ek hari mirch ko shamil karna chahiye.

Aankhon ke liye hai faydemand:
Hari mirch aankhon ke liye bhi bahut faydemand hoti hai. Isme vitamin-A paya jata hai, jo ki aankhon ke liye bahut jaruri aur faydemand hota hai. Is tarah iska niyamit sevan karne se aapki aankhon ki roshni badti hai.

Haddiyan majboot karti hai:
Hari mirch ko repair tissues ke naam se jaana jata hai aur sath hi ye hamare shareer me naye blood cells ka nirmaan bhi karti hai. Is tarah jo log rozana iska sevan karte hain unki haddiyan bahut majboot ho jati hain.

Immunity badati hai:
Hari mirch me vitamin-C paya jata hai jo ki hamare immune system ko sudharne ka kaam karta hai. Is tarah hari mirch ka sevan karne se hamare shareer ki immunity me badotri hoti hai aur hum kisi bhi bimari se bach sakte hain, kyunki agar hamara immune system achcha hoga toh ham kisi bhi tarah ki bimari se lad sakte hain.

Related Post