Heart Attack in Hindi – Jaane, Karan, Lakshan (Symptoms) aur Bachne Ke Upay

HEART ATTACK IN HINDI

Heart attack ke lakshan aur upchar ke liye gharelu upaay

Heart attack ka naam sute hi kayi log ghabra jate hai, kyuki yeh ek gambhir bimari hai. Yeh bimari tab hoti hai jab heart mai khoon ka pravah band ho jat hai, jisse heart attack aane ki sambhavna bad jati hai. Iss bimari ka agar sahi samay par ilaaj nahi kiya jaye toh isse vyakti ki jaan bhi ja sakti hai. Kayi baar logo ko iske bare mai jankari hi nahi hoti hai, jiske kaaran wo iss bimari ke shikar ho jate hai aur apni jaan gawa baithte hai, isliye ye jaruri hai ki logo ko iske symptoms ke bare mai jankari ho.

Agar dekha jaye toh heart attack ka mukhya kaaran sharir ka badta hua motapa, Sharirik kaam na karna, sahi khan-pan na hona, khane mai adhik matra mai fat istemal karna, mansik tanav aur baichaini aadi hai. Kahi na kahi in sabhi kaarano se vyakti heart attack ka shikar ho jata hai. Aaj ham yaha aapko heart attack se judi kuch jankari de rahe hai. Toh aaiye jante hai Heart attack ke lakshan aur upchar ke liye gharelu upaay ke bare mai.

Heart Attack Ke Lakshan (Symptoms)

Ye kuch lakshan hai jinko jan kar aap heart attack ke bare mai pehle se jankar satark ho sakte hai aur waise bhi har vyakti ko bimari ke lakshano ke bare mai jarur pata hona chahiye, jisse use sahi samay par jan kar uska sahi se upchar karaya ja sake.

  • Aksar behoshi aana (Unconscious ho jana).
  • Sharir mai thakan lagna.
  • Saanso ka fulna (Breadthlessness).
  • Sine mai dard hona.
  • Pasina jyada aana.
  • Pet mai dard hona.
  • Vomiting aana.

HEART ATTACK IN HINDI

Heart Attack se Bachne ke Gharelu Upay aur Diet Plan

Nimbu ka ras:

Nimbu ke ras ka sevan heart se judi bimariyo se mukti dilata hai. Iske liye pani mai nimbu ko nichod le aur iska sevan kare. Kuch dino tak niyamit rup se iska sevan karne se dil ki bimari se rahat milti hai aur dil mai jami huyi gandgi bhi saaf ho jati hai, jisse blood ka circulation thik rehta hai.

Falo ka sevan kare:

Apne ahaar mai falo ko jarur shamil kare, yeh sharir ke liye behad faydemand hote hai. Heart se judi bimari se mukti pane ke liye seb (Apple), Ananas (Pineapple), amrud (Guava), mousambi aur litchi aadi ka sevan kare.

Misri aur amla:

Misri aur amla ka misran dil ki bimari ko dur karne mai madadgar hota hai. Iske liye misri aur sukha amla barabar matra mai le aur inko pees kar churna bana le. Rojana ek chammach churna ko pani ke sath le, isse aap dil ki bimari ko dur kar sakte hai. Iss tarah yeh prayog aapko dil ki bimari se bachane mai sahayak sabit ho sakta hai.

Dudh aur amla:

Dudh mai amla mila kar sevan karne se bhi dil se sambandhit rogo se mukti milti hai. Iske liye dudh mai pisa hua amla ghol le aur din mai kam se kam 2 baar iss tarah bane ghol ka sevan kare. Iss prayog ko karne se dil ke rogo mai labh milta hai.

Lauki (Bottle gourd) ka sevan hai faydemand:

Lauki ka sevan bhi dil ke liye behad faydemand mana jata hai. Waise toh log iska juice bhi pite hai, iske alawa lauki ko ubal kar uss mai jira, haldi aur hara dhaniya dal kar kuch der paka le aur iska sevan kare. Iske sevan se dil ko swasth rakha ja sakta hai aur dil ko heart attack ki bimari se bachaya ja sakta hai.

Lehsun (Garlic) ka sevan:

Lehsun ka sevan heart ke patients ke liye behad faydemand mana jata hai. Iske liye lehsun ki do kaliya le aur rojana subah ke samay khali pet, pani ke sath nigal jaye. Iss prayog se dil swasth rehta hai aur heart attack ka khatra kam kiya ja sakta hai.

Gajar (Carrot) ka sevan kare:

Gajar ka sevan bhi heart patients ke liye behad faydemand mana jata hai. Aap chahe toh isko salad mai shamil kar sakte hai, ya phir iske juice ka bhi sevan kar sakte hai. Iske alawa aap gajar ki sabji bana kar bhi iska sevan kar sakte hai, yeh har tarah se aapke dil ke liye faydemand hoti hai.

Badaam hai vitamins se bharpur:

Badaam ki agar baat kare toh yeh kayi tarah ke vitamins aur fibers se bharpur hai, jisse yeh dil ke rogo ke liye accha mana jata hai. Iss tarah agar aap din mai kam se kam 2-3 baar badaam ka sevan karte hai toh isse aap dil se sambandhit rogo ko dur kar sakte hai.

Desi gaay ka ghee:

Desi gaay ke ghee ka sevan dil ko majbut banane mai behad fademand sabit hota hai. Iske liye desi gaay ke ghee ke sath gud mila kar khane se bahut fayda milta hai aur yeh keval dil ko hi nahi balki pure sharir ko majbut banata hai.

Shehad ka sevan hai jaruri:

Shehad ka sevan bhi dil ko majbut banane mai madad karta hai. Iske liye aap rojana shehad ka sevan kare. Iske alawa aap chahe toh gajar ke ras mai shehad ko dal kar iska sevan kare, yeh aapke liye behad faydemand hogi aur dil ki bimari ko dur karne mai madad karegi.

Urad ki dal:

Urad ki dal bhi heart attack ki sambhavna ko kam karne mai madadgar sabit ho sakti hai. Iske liye 50 gram urad ki dal le aur use raat ko sone se pehle pani mai bhigo kar rakh de. Subah ise pani se nikal kar pees le aur ½ glass dudh mai mila kar, misri ghol kar iska sevan kare. Iss prayog ke dwara dil ka doura padne ki sambhavna ko bahut hadd tak kam kiya ja sakta hai.

Anya upaay

  • Dil ko majbut banane ke liye bhojan sarso ke tel mai banaye, isse dil ko majbuti milti hai.
  • Amle ka murabba bhi dil ke liye faydemand hota hai, isliye amle ke murabbe ka sevan kare. Isse heart attack ki bimari ke khatre ko kam kiya ja sakta hai.
  • Bhojan karte samay apne ahaar mai dahi ko bhi shamil kare, isse bhi aapke dil ko rahat milegi.
  • Agar aapko dil se sambandhit bimari se bachna hai toh dhumrapan bilkul bhi na kare, isse heart related problems bahut jaldi badti hai.
  • Subah morning walk kare aur din mai jitna ho sake tehle, yeh aapke dil ko swasth rakhne ka ek accha upaay hai.

Upar aapne jana Heart attack ke lakshan aur upchar ke liye gharelu upaay ke bare mai. Toh agar aap bhi apne dil ko swasth rakhna chahte hai aur dil ko rog mukt rakhna chahte hai toh upar bataye gaye upaayo ko apnaye. Inn prayogo ko karne se aapka dil swasth rahega. Iske alawa agar aapko jyada severe problem hai toh doctor ko jarur dikhaye.

Related Post