How to Get Rid of Pimples aur Remove it’s Marks in Hindi

How to Get Rid of Pimples?

Pimples hona ek aam samasya hai lekin jab ye bahut jyada aur bade hone lagte hai toh ye gambhir samasya ka rup le lete hai. Kyuki agar dekha jaye toh pimples hone se aapka chehra toh bekar dikhta hi hai sath hi jab ye thik hote hai toh iske baad ye gehre daag chor jate hai.

Aise mai aapka chehra aur jyada bhadda ho jata hai. Kaun hai jo sundar aur bedag chehra nahi chahta. Har vyakti ye soch rakhta hai ki uska chehra bedag aur chikna rahe, lekin agar aapko pimples ki samasya hai toh aapka ye sapna adhura hi reh jata hai.

Aise bahut kam log hi hote hai jo pimples se bach pate hai, kyuki kuch logo ko youn awastha mai pimple hote hai lekin jaruri nahi hai ki ye teenager ko hi ho. Pimples kabhi bhi ho sakte hai aur kayi baar ye gehre daag bhi chor dete hai.

Isliye jaruri ye hai ki agar ham iske liye pehle hi kuch upaay kar le toh isse hame muhase hoge hi nahi, aur agar muhase nahi hoge toh inse hamare chehre par daag-dhabbe bhi nahi hoge.

Agar dekha jaye toh muhase unn logo ko hote hai jinki skin oily hoti hai ya phir kayi baar sharir mai hormonal changes hone ke kaaran bhi muhaso ki pareshani ho sakti hai, lekin iska matlab ye nahi hai ki ham inhe nazar andaj kar de. Iske liye hame jaruri upaay karna chahiye.

Aaj ke samay mai hamare charo taraf pradushan hai, jiske kaaran hamari twacha par gandgi jama ho jati hai aur iske kaaran bhi hame pimples ka samna karna pad sakta hai. Aaj ham apne iss article mai aapko kuch ayurvedic upaay batane ja rahe hai, jinko karne se aapke muhase bhi thik ho jayege sath hi kisi tarah ka side effect bhi nahi hoga. Pimples ke liye best cream kai ho sakti hai but agar aap koi bhi cream ka use karte hai, o bhi bina doctor ke salha ke tho iske side effects bhi ho sakte hai, pas wahi gharelu nuskho se aisa nahi hota.

Toh aaiye jante hai Muhaso ko thik karne ke ayurvedic upay jane hindi mai ke bare mai.

How to Get rid of Pimples and Pimple’s Marks in Hindi

1Nimbu (Lemon):

Nimbu ek aisa fal hai jo ki hamari twacha ke liye behad faydemand mana jata hai. Iske twacha mai prayog se hamari twacha se judi kayi tarah ki samasyaye dur ho jati hai. Ye twacha ke liye ek prakritik aushadhi ki tarah kaam karta hai. Isko ham kayi tarah se twacha mai prayog kar sakte hai.

Nimbu ka ras nikal kar usme gulab jal mila le, aur bane huye mishran ko apne chehre par lagaye. Kam se kam 30 minute apne chehre par ise rakhne ke baad chehre ko pani se dho le aur agar ho sake toh pani ko garam kar ke usme nimbu ko nichod le aur iss pani ki bhaap le. Iss prayog ko kam se kam 15 se 20 din tak lagatar karne par aapke muhase thik ho jayege.

Iske alawa aap chahe toh nimbu ke ras mai barabar matra mai shehad mila le aur iss bane huye mishran ko muhase wali jagah par kam se kam 20 se 25 minute ke liye rakhe. Iske baad apne chehre ko saaf kar le, aur ho sake toh iss prayog ke baad bhi pani mai nimbu dal kar bhap le. Iss tarah ye prayog aapki twacha ko saaf karne mai madadgar sabit ho sakte hai.

2Aloe vera:

Aloe vera prakriti ke dwara di gayi ek aisi aushadhi hai jo har tarah ki twacha ki pareshani ko dur karne mai madadgar hai. Aloe vera ke twacha mai prayog karne se ham muhaso ki pareshani se mukti pa sakte hai.

Iske prayog ke liye iska guda (Pulp) nikal kar apne pimple wali jagah par laga le aur sukh jane par use saaf kar le. Iss prayog ko kuch din continue karne par muhase thik ho jate hai.

3Tulsi (Ocimum tenuiflorum):

Tulsi prakriti dwara di gayi ek aisi aushadhi hai jo hamari twacha ke liye behad faydemand mani jati hai, iska paste chehre par lagane se muhaso jaisi pareshaniya hamesha ke liye dur rehti hai, lekin iske liye jaruri ye hai ki aap regularly iska prayog kare.

Iske liye aap tulsi ke patto se paste taiyar kare aur iss paste ko apne chehre par kam se kam 10 se 15 minute ke liye laga kar rakhe. Iske baad apne chehre ko saaf kar le. Iss prayog ko kam se kam 4 hafto tak regular karne se aapko muhaso ki pareshani mai jarur fayda milega.

4Kapoor (Camphor):

Kapoor ka prayog muhaso ke liye bahut hi kargar mana jata hai. Iska prayog karne ke liye kapoor mai nariyal tel ko mila kar apne pimple wali jagah par kam se kam 10 se 15 minute ke liye rakhe aur iske baad apne chehre ko saaf kar le. Iss prayog ko karne se muhaso ki pareshani ko thik karne mai kafi madad milti hai.

5Tea tree oil:

Tea tree oil mai kuch aise aushadhiya gun paye jate hai jo ki muhaso ko thik karne mai mahatvapurna bhumika nibhate hai. Iske liye aap cotton ball ki madad se bahut thoda sa tea tree oil le kar apne muhase wali jagah par lagaye aur kam se kam 5 minute baad ise saaf kar le. Iss prayog ke dwara bhi muhase thik hone mai madad milti hai. Lekin iss tel ka prayog karte samay ek baad jarur yaad rakhe ki tel bahut kam matra mai hi le.

6Neem:

Neem ka prayog prachin kaal se hi twacha ko sundar banane ke liye kiya jata aa raha hai. Ye na sirf hamare chehre ko muhaso se bachata hai balki hamari twacha ko sundar banane mai bhi madadgar hota hai.

Iske liye neem ki pattiyo ko barik pees kar paste bana le aur iss paste ko saaf hatho se muhaso wali jagah par lagaye. Iss prayog ko karne se muhase dur ho jate hai. Iske alawa neem ki chhal ka prayog bhi muhaso ko dur karne mai madadgar sabit hota hai. Iske liye aap neem ki chhal ko ghis kar paste bana le aur iss paste ko affected jagah par lagaye aur kuch samay rakhne ke baad ise saaf pani se dho le.

7Pudina (Peppermint):

Pudine mai kuch aise gun paye jate hai jo ki muhaso ko thik karne mai madad karte hai, isme paye jane wale anti-bacterial aur anti-viral gun muhaso mai paye jane wale bacteria ko khatam karte hai, jisse muhaso ko jaldi thik karne mai madad milti hai.

Iske alawa pudina mai menthol paya jata hai jo ki muhaso ke kaaran hone wali jalan mai sukun deta hai sath hi ye muhaso ke gulabipan ko bhi dur karta hai. Iske prayog ke liye pudine ki pattiyo ko pees kar ras nikal le aur iss ras ko muhaso wali jagah par kam se kam 10 minute ke liye rakh de. 10 minute hone ke baad ise saaf pani se dho le. Ye prayog aapke liye faydemand hoga.

8Jaifal (Nutmeg):

Jaifal ka chehre par prayog karne se muhaso se chutkara milta hai. Ye na sirf hamare muhaso ko thik karne mai madad karta hai balki ye hamare chehre mai hone wale daag dhabbo aur keel ko bhi dur karne mai madad karta hai.

Iske liye aap jaifal ko kacche dudh ke sath ghis le aur bane huye lep ko apne chehre par laga kar so jaye aur subah hone par apne chehre ko saaf pani se dho le.

9Dalchini (Cinnamon):

Dalchini ka prayog muhaso ko thik karne mai kiya jata hai, yeh bhi muhaso ko thik karne ka ek bahut hi accha ayurvedic upaay hai. Iske liye sabse pehle dalchini ko thoda sa bhun le aur bhun lene ke baad ise mixer mai barik pees le.

Churna ban jane ke baad isme shehad mila kar paste taiyar kare, aur iss paste ko apne muhaso wali jagah par kam se kam 10 se 15 minute ke liye laga kar rakhe. Iss prayog ko lagatar 4 se 6 hafte tak karne se aapke muhase puri tarah se thik ho jayege.

10Chameli ka tel (Jasmine oil):

Chameli ke tel ka prayog karne se bhi aapke muhase thik ho sakte hai. Ye na sirf aapke muhaso ko thik karta hai balki ye aapke muhaso ke kaaran hone wale daag dhabbo ko bhi thik karne mai madad karta hai.

Iske liye aap raat ko sote samay chameli ke tel mai suhaga ko mila kar chehre par masle aur subah hone par besan ko pani se geela kar ke chehre par lagaye aur halke hatho se ragad kar nikal le. Iss prayog ko agar aap niyamit rup se karte hai toh isse na sirf aapke muhase balki daag dhabbe bhi thik ho jayege.

Anya upay:

  • Chehre ki safayi ka pura dhyan rakhe aur bahar se aane ke bad chehre ko jarur dhoye.
  • Chemical yukt products ka istemal rojana na kare, ye twacha ko nuksan pahuchate hai.
  • Chehre ko kabhi bhi gande hatho se na chuye, isse bhi kayi baar funsi aur muhase hote hai.
  • Pimples ko kabhi bhi bar-bar hath na lagaye, isse na sirf pimples ka akaar badta hai balki ye aur jyada failte hai.
  • Jyada se jyada pani ka sevan kare, kyuki pani aapke sharir se toxin padartho ko bahar nikalne mai madad karta hai.

Upar aapne jana ki kis tarah ayurvedic upaayo ke dwara aap muhaso ki pareshani se chutkara pa sakte hai. Agar aap bhi muhaso ki pareshani se pareshan hai toh upar bataye gaye upaayo ko apne prayog mai laye. Ye na sirf aapke muhaso ko thik karege balki aapko nuksan bhi nahi pahuchayege.

Lekin ek baat ka jarur dhyan rakhe ki jab tak aap niyamit rup se kisi bhi prayog ko nahi karege tab tak aapko iska best result nahi milega. Iss tarah best result ke liye niyamit rup se kisi bhi prayog ko chun kar kare, ye aapke liye faydemand sabit hoga.

11Related Post