Kamar Dard Ka Ilaj in Hindi – Home Remedies for Back Pain

kamar dard ka ilaj in hindi

Aaj ke samay me agar dekha jaye toh kamar dard ki samasya bahut hi aam ho gayi hai, har dusre vyakti ko ye samasya hoti hai.

Ye pareshani badti huyi umar ke sath badti jati hai, Lekin aaj ke samay me ye samasya akele badi umar ke logon ko nahi hai balki kam umar ke log bhi is pareshani se grasit hain aur jaise-jaise unki umar badti jati hai, unki ye pareshani bhi badti jati hai.

Kamar ke sabse neeche ka jo hissa hota hai wahan par dard hone ke sath sath logon ka ye dard badkar kulhon (hips) tak bhi pahuch jata hai.

Iska kaaran hamari baithne ki kuch buri aadaten bhi ho sakti hain. Is prakaar hamari kamar dard ke kayi kaaran ho sakte hain, toh aaiye jante hain hamari kamar dard hone ke kya kaaran hai aur ham apni kuch aadaton ko badal kar apni kamar ka dard thik kar sakte hain.

Kamar Dard ke karan aur Kya hai is Parashani ki Jaad

Galat tarike se baithna:

Kayi baar ham galat tarike se baith jate hai, jo ki hamari kamar dard ka ek mukhya kaaran hai. Chair par ya phir kahi bhi baithte samay hame iss baat ka dhyan rakhna chahiye ki ham sahi tarike se baithe, kyuki agar aap galat tarike se baithte hai to isse aapki kamar aur reed ki haddi par jor padta hai aur iska parinam ye hota hai ki aapki kamar me dard ki shikayat hone lagti hai.

Junk food:

Kayi log sahi ahaar nahi lete hai aur bahar kaam karne ke kaaran wo jyadatar bahar ka khana jaise junk food ka adhik sevan karte hai, jisse unke sharir ka wajan bhi badne lagta hai aur iska seedha asar hamari kamar par padta hai. Iss tarah agar aap junk food ka jyada sevan karte hai to isse bhi aapki kamar me dard ho sakta hai.

Reed ki haddi (Back bone) Problem:

Kayi log jo kamar dard se bahut pareshan rehte hai, unko reed ki haddi me kisi tarah ki pareshani hone ke kaaran bhi kamar me dard ho sakta hai. Kayi baar hamari reed me taral padartho ki kami hone ke kaaran aas-pass ke hisso me haddiya badne lagti hai, jiske kaaran kamar me dard hone lagta hai.

Genes ke karan:

Kayi baar genes ke kaaran bhi kamar me dard paida ho sakta hai. Agar scientists ki mane to kamar dard ka kaaran genes me chipa hota hai. 40 varsh se upar ki lagbhag har teesri (3rd) mahila ko kamar me dard ki shikayat hoti hai. Iske alawa jankaro ki mane to lagbhag 8% mahilao ko kamar dard ki bimari virasat me milti hai.

Anya kaaran:

High heals pehenna, galat tarike se wajan uthana, lambe samay se bimar hona, manspeshiyo me bahut jyada tanav hona, naram gaddo par sona aur bahut jyada tanav hone ke kaaran bhi kamar me dard ho sakta hai.

Other Problems

  1. Mahilao ko khass kar kamar ka dard pareshan karta hai, inke is dard ka kaaran kayi baar inke dwara pehni jane wali high heals bhi ho sakti hai. Kayi mahilaye rozana apne footwears high heals ke pehenti hain, jiske kaaran iska pura jor unki kamar ki maans-peshiyon par padta hai aur nateeja ye hota ha ki, unki kamar me dard bana rehta hai.
  2. Hamare baithne ka tareeka agar sahi nahi hoga toh bhi hame kamar ka dard ho sakta hai, isliye apne baithne ke tareeke ko sudhare.
  3. Galat tareeke se aur jyada weight ko utha lene se bhi aapki kamar me dard ki shikayat ho sakti hai. Isliye kisi ki madat lene se phele soche na, aur akele baari wajan uthne ki kosish na kare.
  4. Kayi baar dekha jata hai ki log bahut hi jyada narm aur araam dayak gaddon par sote hain, ye bhi kamar dard hone ka ek kaaran ho sakta hai.
  5. Maans-peshiyon me jyada tanav hone par bhi kamar me dard ho sakta hai iske alawa agar aap jyada lambe samay se beemar hain, tab bhi aapko kamar ka dard pareshan kar sakta hai.
  6. Womens mai karmar dar hone ka karan masik dharma ya periods bhi ho sake hai

Toh yahan aapne jana ki kin karano se aapko kamar ka dard ho sakta hai, toh ab hum aage is article me aapko batayenge ki kamar ke dard ko gharelu upaay dwara kis tarah se thik kiya ja sakta hai.

Kamar Dard Ka Ilaj in Hindi – 13 Gharelu Nuskhe

kamar dard ka ilaj in hindi

Toh aaiye janete hain kamar dard ke upchaar ke liye gharelu upay.

1) Sarso (Musturd)/Nariyal (Coconut) Tel:

Yadi aapke kamar me dard hai toh aap sarso tel ya phir nariyal tel se rozana apni kamar ki malish Karen,Iske liye tel me 3-4 lehsun (Garlic) ki kaliya nikal kar daal de aur isko garam kar le. Thanda hone par is tel se rozana apne kamar ki malish Karen, isse aapko bahut hi jaldi araam milega.

2) Namak ki Sikayi Karen:

Namak bhi kamar ke dard me bahut rahat deta hai. Iske liye namak ko kisi bartan me daal kar achchi tarah se sek le aur is namak ko suti kapde me baandh kar potli bana le aur is potli se apne kamar ki sikayi Karen. Is tarah namak ki sikayi karne se aapki kamar ke dard me bahut hi jaldi rahat milegi.

3) Garam Pani Se Sikayi:

Garam pani ki sikayi se bhi kamar dard me araam milta hai. Iske liye garam pani karke usme namak mila le aur is pani se apni kamar ki sikayi Karen. Is pani se kamar ki sikayi karne ke liye, is pani me towel daal kar nichod le aur towel ki sahayata se apni kamar ki sikayi Karen. Ye kamar dard ke liye bahut rahat deta hai.

4) Yoga:

Yoga ko har vyakti ko apni dincharya me jaroor hi shamil karna chahiye. Yoga karne se bahut si beemariyan door hoti hai. Lekin agar aap kamar dard se rahat pane ke liye yoga kar rahe han toh is tarah ki exercise aur yoga ko kisi trainer ke under me hi Karen. Kyuki agar kamar dard ki exercise ko aapne galat tareeke se kiya toh isse aapka dard bhi bad sakta hai. Isliye puri jaankari karke hi iski exercise karen.

5) Zameen Par Soye:

Agar aapko kamar me jyada dard hai toh doctor ki sahi salaah le aur zameen pa sapaat bistar bicha kar soye.

6) Ajwain:

Ajwain ka sevan bhi kamar ke dard ko dur karta hai. Iske sevan ke liye ajwain ko achchi tarah sek le aur pratidin iska sevan Karen, isse aapki kamar ke dard me raahat milegi.

7) Seedhe baithe:

Kayi bar office me kaam karte samay ya phir drive karte samay aap iss tarah se baithte hai jisse aapki kamar me dard paida ho jata hai. Isliye office me kaam karte samay kamar ko seedha karke baithe aur peeth ke bal na baithe aur peeth ko chair par iss tarah se tika kar baithe, jisse ki aapki peeth aur kamar seedhe rahe. Isi tarah car chalate samay seat belt ko thoda tight kar le aur sahi posture me baithe. Agar aapki seat sakht hogi aur aap sahi posture me baithte hai to isse aap kamar dard se bach sakte hai.

8) Walking bhi kamar dard ka upay:

Tehelne ki aadat aapke kamar dard ko kam kar sakti hai. Darasal lambe samay tak ek hi position me baithne se kamar me dard paida ho sakta hai, aise me aapko chahiye ki aap har 40 se 50 minute me apni chair ko chor kar thoda tehel le. Isse kamar dard nahi hoga.

9) Massage:

Agar aapki kamar me dard hai to iske liye aap kamar me massage le sakte hai, isse kamar dard me rahat payi ja sakti hai. Iske liye aap subah ke samay sarso ya nariyal tel me 4-5 lehsun ki kaliya daal kar garam kar le aur thanda hone par iss tel se malish kar le. Isse kamar dard me jarur rahat milegi.

10) Yog ko apnaye:

Yog ko apnane ke kayi labh hai. Isliye yog ko apni dincharya me jarur shamil kare. Bhujangasana, halasana, uttanpadasana aise kuch yogasana hai jo ki kamar dard ko dur karne me madadgar sabit ho sakte hai.

11) Exercise kare:

Kuch aise exercises ko apni dincharya me shamil kare jo ki aapki kamar ke dard ko dur karne me madadgar sabit ho. Swimming, cycling aur walk karna sharir ke liye bahut accha mana jata hai. Isse aapke sharir ka wajan bhi nahi badta hai aur kamar dard me bhi araam milta hai.

12) Jhukte samay dhyan rakhe:

Kayi baar ham jab bhi kisi cheez ko uthane ke liye jhukte hai to ham apni kamar ke bal jhukte hai, jisse hamari kamar par jor padta hai. Isliye agar aapko kamar dard ki shikayat hai to jhukte samay thoda dhyan se jhuke. Iske liye aap sabse pehle apne ghutne mod kar neeche jhuke aur jab aapke hath vastu tak pahuch jaye to ghutno ko seedha karke khade ho jaye.

13) Calcium yukt ahaar le:

Kayi baar hamare sharir me calcium ki matra me kami aane ke kaaran bhi haddiya kamjor hone lagti hai, jiske kaaran hamari kamar me dard paida hota hai. Isliye calcium yukt ahaar ka sevan kare, isse aapki haddiya thik rehti hai aur isse aapko kamar dard me rahat milegi.

Kamar dard se chutkaara pane ke gharelu upaay jaane, jinko aap kamar dard hone par apna sakte ho. Toh ab jab bhi aapko kamar dard ho ya kisi aur ko kamar ke dard ki shikayat ho toh in gharelu upaay ko apnaye aur dusron ko bhi bataye.

Related Post