Kesar Benefits – Saffron Ke Health aur Skin Ke Fayde in Hindi

kesar benefits

Kesar Benefits – Sehat aur twacha ke liye faydemand hai Saffron

Kesar hamari sundarta ko badane me behad labhkari mani jati hai, sath hi ye hamari sehat ke liye bhi acchi mani jati hai. Waise to ise sundarta badane wale utpado me shamil kiya gaya hai lekin ye hame kayi tarah ki sehat se judi pareshaniyo me bhi labhkari hoti hai. Iski khushbu bahut tez mani jati hai aur kayi tarah ke vyanjano me ise dal kar sevan kiya jata hai. Bharat me Kashmir me ise paida kiya jata hai, pet se sambandhit kayi tarah ki bimariyo me kesar labhdayak mani jati hai.

Aaj ke samay me nakli kesar bhi market me hai, kyuki ye bahut hi mehenga bikta hai. Isliye ise nakli rang chada kar becha jata hai. Isliye agar aap asli aur nakli kesar me fark nahi jante hai toh iske liye aap ek upaay kare. Garam pani ya dudh le aur usme kesar dal de, agar kesar turant laal rang chor de to samajh jaiye ki ye nakli kesar hai aur agar kam se kam 10-15 minute baad ye gehre laal rang ke sath khushbu bhi de toh samajh jaiye ki ye hi asli kesar hai. Iss tarah aap asli aur nakli kesar ki pehchan kar sakte hai.

Kesar ko dudh, kheer, mithayi aur biryani me daal kar sevan kiya jata hai. Iske alawa dudh me kesar dal kar sevan karne se twacha me nikhar aata hai, sath hi sharir ko takat milti hai. Isme kayi aise gun paye jate hai jo ki hamare sharir aur twacha ki kayi pareshaniyo ko dur karte hai. Kayi baar chot lag jane par ya phir jal jane par kesar ka lep lagane se chot aur ghav me araam milta hai. Iske alawa bhi iske kayi fayde hai. Toh aaiye jante hai kesar se hone wale faydo ke bare me.

13 Kesar Benefits (Saffron) Health Ke Liye

kesar benefits

1) Dimag ke liye labhdayak:

Kesar hamare dimag ke liye bahut hi labhkari sabit hoti hai, iska sevan aur lep dono hi hamare dimag ko thandak pradan karte hai. Iske liye chandan ke sath kesar ko ghis kar lep bana le aur iss lep ko apne mathe (Forehead) par lagaye. Isse aapke dimag aur aankho ko thandak milti hai sath hi dimag bhi tez chalta hai. Iss tarah ke prayog dwara chitt ki ekagrata aur smaran shakti ko badane me madad milti hai.

2) Sar dard me faydemand:

Kesar ke dwara sar dard me bhi araam milta hai. Iske liye chandan aur kesar ka lep bana le aur iss lep ko apne mathe (Forehead) par laga le, isse sar ko thandak milti hai aur sar dard me araam milta hai. Iss tarah sar dard ko dur karne me kesar ka istemal kiya ja sakta hai.

3) Pachan me faydemand:

Pet ke pachan se sambandhit pareshaniyo me bhi kesar labhdayak hoti hai. Iss tarah pet ke pachan aur pet me gas aadi ki pareshani ko dur karne me kesar madadgar hoti hai.

4) Baccho ki sardi me kargar:

Agar ghar me bacche ko sardi aur khansi me araam nahi mil raha hai toh aise me kesar bacche ke liye faydemand sabit ho sakti hai. Iske liye bacche ki naak, mathe, chhati aur peeth par kesar, loung aur jaifal ka lep bana kar lagaye, isse baccho ki sardi me araam milta hai. Iske alawa subah aur sham me baccho ko kesar ka dudh pilane se sardi aur jukham me rahat milti hai.

5) Mahilao ke liye faydemand:

Kesar mahilao ke liye behad faydemand hoti hai, ye na keval mahilao ki sundarta ko badane ka kaam karti hai balki mahilao ki anya pareshaniya jaise mahvari me aniyamitta hona, mahvari ke samay dard aur sujan hona aur garbhashay me sujan aadi pareshaniyo ko dur karne me kafi madadgar sabit ho sakti hai.

6) Atisar me faydemand:

Atisar hone par bhi kesar kafi faydemand sabit ho sakta hai. Atisar hone par kesar ko aam ki guthli, jaifal aur sonth ko kisi patthar par pani ke sath acchi tarah ghis kar lep bana le aur iss lep ko lagaye. Isse atisar me araam milta hai.

7) Anidra ko dur kare:

Aaj ke samay me har dusra vyakti tanav, thakan aur anidra se pareshan hai, aise me agar aap anidra ki bimari se mukti pana chahte hai toh iske liye kesar ka prayog kare. Kyuki anidra ki bimari ko dur karne me kesar kafi madadgar sabit ho sakta hai. Iske sath hi kesar ka sevan karne se tanav aur thakan jaisi bimariyo se bhi nijat payi ja sakti hai. Iske liye aap roj raat ko sone se pehle kesar wale dudh ka sevan kare, isse aapke sharir ki thakan aur tanav dur hoga aur aapko acchi neend aane me madad milegi.

8) Muh ki pareshani dur kare:

Muh me hone wali kayi pareshaniya jaise masudo me dard, sujan aur ghav ho jane par kesar kafi asarkarak sabit ho sakti hai. Iske alawa kesar ke dwara muh aur jeebh ki takleefo se bhi nijat payi ja sakti hai.

9) Kidney aur liver ke liye faydemand:

Kesar hamare kidney aur liver ke liye behad faydemand sabit ho sakti hai. Kesar ka sevan karne se ye hamare blood ko purify karne ka kaam karti hai sath hi bladder aur liver ko kayi tarah ki samasyao se dur rakhne me bhi madadgar hoti hai.

10) Nayi twacha ke nirman me faydemand:

Kayi baar hamari twacha me chot lag jati hai jisse hamari twacha me ghav ho jata hai, isi tarah jal jane par bhi hamari twacha me ghav ho jate hai, aise me kesar ka sevan aur kesar se bana hua lep hamare ghavo ko bharne me kafi madadgar sabit hota hai. Ye na sirf ghav bharne ke kaam aati hai balki isse nayi twacha ke nirman me bhi madad milti hai.

11) Jodo ke dard me rahat dilaye:

Jo log jodo ke dard aur arthritis namak bimari se pareshan hai unn logo ke liye kesar ka sevan bahut jyada labhkari mana jata hai. Iske sevan se sharir ki thakan dur hoti hai aur manspeshiyo ko araam milta hai, jisse hamare jodo ke dard me bhi araam pahuchta hai.

12) Aankho ke liye labhkari:

Kesar hamari aankho ke liye bhi behad accha mana jata hai. Iske sevan se aankho ki jyoti badane me madad milti hai. Ek shodh se ye baat samne aayi hai ki jis vyakti ne kesar ka sevan kiya hai, uski aankho ki jyoti acchi rahi hai. Iss tarah ham keh sakte hai ki kesar ka sevan hamari aankho ke liye bhi labhdayak hota hai. Iske alawa agar baat ki jaye toh kesar ke dwara motiya bind ki bimari ko bhi dur kiya ja sakta hai.

13) Bukhar dur karne me labhkari:

Bukhar dur karne me bhi kesar kafi madadgar mana jata hai. Darasal kesar me crocin namak tatva paya jata hai, jo ki bukhar ko dur karne me kargar sabit ho sakta hai.

Iss tarah upar aapne jana ki kesar hamare sharir ke liye kis tarah se labhdayak hai. Toh ab aap bhi jan gaye hai ki kesar hamare liye kis tarah se faydemand hai to iska prayog karna shuru kare.

Related Post