Sar Dard ka Ilaj – Headache Treatment and Medicine in Hindi

SARD DARD KA ILAJ IN HINDI

Sar dard dur karne me ye herbs hai madadgar

Aaj ke samay me sar dard hona ek aam baat hai, kyuki har vyakti tanav se grasit hai aur tanav ke kaaran sar dard hona ek aam baat hai. Bhag doud bhari zindgi me tanav aur anya kayi kaarano ke kaaran hamare dimag par jor padta hai, jiske kaaran hamare sar me dard/paida ho jata hai. Iske alawa bhi kayi aise karan hote hai jo hamare sar dard ka karan bante hai.

Kayi log sar dard ko dur karne ke liye kayi tarah ke pain killers ka sahara lete hai, lekin ye pain killer aapke sar dard ko kuch samay ke liye to dur kar dete hai lekin ye hamare sharir ko nuksan dayak sabit hote hai, jo ki aage chal kar kisi bhi bimari ka kaaran bante hai.

Hamare pass prakriti ke dwara diye gaye kayi aise herbs hai jo ki hamare sar dard ko dur karne me madadgar sabit ho sakte hai. Aaj ham aapko batate hai ki kaun se herbs aapke sar dard ko dur karne me madadgar sabit ho sakte hai, aaiye jante hai

Sar Dard Ka Ilaj – Treatment and Medicine for Headache

 

Adark (Ginger):

Adrak prakriti me paya jane wala ek aisa herb hai jo ki ek dard nivarak ke rup me hamare liye kaam me aata hai. Agar aapko kabhi bhi sar dard ho to aise me aap sukha adrak le aur pani ke sath mila kar uska paste bana le aur iss bane huye paste ko apne mathe par laga le. Isko mathe par lagane se ye aapke sar dard ko dur karne me sahayak sabit ho sakta hai.

Black cohosh:

Ye podha sar dard ko dur karne me kargar mana jata hai aur native north America me paya jata hai. Darasal isme estrogen effect paya jata hai, jo ki mahilao ke liye behtar mana jata hai. Ye na keval sar dard balki gathiya ke ilaaj ke liye bhi kafi samay pehle se istemal kiya ja raha hai.

Dalchini:

Dalchini ke bare me to aap sabhi log jante hai, ki ye ek aisi herb hai jo ki na sirf sar dard balki anya kayi tarah ki bimariyo ko dur karne me madadgar sabit ho sakti hai. Sar dard ke ilaaj ke liye dalchini ko pani ke sath bareek pees kar paste bana lena chahiye aur sar dard hone par apne mathe par ise laga le aur jab ye sukh jaye to iss lep ko hata kar phir se lep ko apne sar par lagana chahiye. Iss prayog ko karne se sar me hone wale dard me araam milta hai.

Pushkar ki jad:

Ye chandan ki tarah hi istemal kiya jata hai aur iske istemal se sar dard dur karne me kafi madad milti hai. Jab bhi sar me dard ho to iske liye aap pushkar ki jad ko chandan ki tarah ghis le aur pani ke sath mila kar iska lep bana le. Ab iss lep ko apne mathe par laga le aur ho sake to ise laga kar araam kare. Aapko jarur hi sar dard me araam milega.

Peppermint:

Peppermint ke naam se hi aapko thandak ka ahsas ho gaya hoga. Agar aapko bahut lambe samay se sar me baar baar dard ki shikayat rehti hai ya phir aapka sar dard migraine ke kaaran dard karta hai to aisi awastha me aapko peppermint se bani chai ka hi sevan karna chahiye. Iske liye aap apni chai me mila kar iska sevan kare.

Sarso ke beej:

Migraine ke kaaran hone wale sar dard me ye bahut hi jyada labhkari mana jata hai, iske alawa anya tarah ke sar dard me bhi ye labhkari mana jata hai. Iske liye aap lagbhag ½ chammach sarso ke beej ka powder le aur 3 chammach pani me ise mila kar paste bana le. Ab iss paste ko apni naak par lagaye, iss prayog ko karne se migraine ke kaaran hone wale sar dard me aapko aaram milega.

White willow bark:

Ye herb sar dard ko dur karne ke liye ek sahi herb mani jati hai. Iss herb ke istemal se ye aapke anya lakshano ko na mita kar seedha sar dard ko dur karne me madadgar sabit hota hai. Iss herb ko aspirin supplement me bhi istemal kiya jata hai.

Primrose:

Primrose ki agar baat ki jaye to isme kisi bhi tarah ke dard me araam dilane wale compound prachur matra me paye jate hai, sath hi agar iss herb ka niyamit tour par sevan kiya jaye to, ye anya kayi tarah ki bimariyo me rahat dilane ka kaam bhi karta hai. Iss tarah agar aap jyadatar kaam karte rehte hai to primrose supplement ka rojana prayog kare. Ye aapke sar dard ko dur karne me sahayak sabit ho sakti hai.

Butterbur aur Feverfew:

Butterbur aur feverfew hamare sar dard ke liye bahut labhkai mani jati hai. Ye na keval hamare normal sar dard balki migraine ke kaaran hone wale sar dard me bhi labhkari mani jati hai. Kyuki migraine hamare sar me blood ke flow me achanak se aane wale badlavo ke kaaran hota hai, jisse na sirf sar me dard balki anya kayi pareshaniya bhi hoti hai. Jabki sar dard hame migraine hone ke kaaran bhi ho sakta hai ya anya kisi kaaran se bhi ho sakta hai. Iss tarah iss herb ke niyamit sevan se aap kisi bhi tarah ke sar dard se bach sakte hai.

Passion flower:

Passion flower ka istemal paramparagat rup se tanav aur anidra jaisi pareshaniyo ko dur karne me kiya jata raha hai. Iss tarah agar ye tanav aur anidra ko dur karne me madadgar sabit ho sakta hai to ye sar dard ko dur karne me bhi madadgar sabit ho sakta hai. Iss tarah passion flower herb ke prayog dwara aap apne tanav aur sar dard ko dur kar sakte hai.

Anya upaay inhe bhi jane

SARD DARD KA ILAJ IN HINDI

  • Adrak, lehsun, lavender, cherry, red chilli aur sun flower ke beej jaise herb bhi sar dard ko dur karne me madadgar sabit hote hai.
  • Below bark, camamile aur peppermint ko mila kar chai pine se bhi sar dard me araam milta hai.

Iss tarah upar aapne jana aise kuch herbs/medicine ke bare me jinke upyog se sar dard ka treatment aur dard mai mai aapko araam mil sakta hai.

Toh agar aap bhi sar dard ke liye pain killer ka istemal karte hai to iski jagah par prakriti ke dwara diye gaye herbs ka prayog kare, kyuki ye aapke sar dard ko dur karne ke sath hi aapko anya kayi labh dene me sahayak hoge.

Related Post