Shahnaz Hussain Beauty Tips in Hindi – Top 10 सौंदर्य युक्तियाँ

Shahnaz Hussain Beauty Tips in Hindi

Shahnaz Hussain Beauty Tips in Hindi – Shahnaz hussane ek aisa naam hai, jisko sunte hi hamari aankho me beauty tips ki tasvir ban jati hai. Ji haan, ye ek aisa naam hai jo pure bharat me twacha ki dekhbhal aur soundarya ke vibhinna area ke bare me knowledge rakhta hai.

Shahnaz Hussain ko 2006 me Padma Shri Award se sammanit kiya gaya tha. Inke dwara bataye gaye tips ka upyog karke aap apni twacha ko sundar bana sakte hai, sath hi ye cosmetic guru hai jo hamari beauty ko dhayn me rakh kar hame kayi tarah ke tips provide karati hai.

Toh aaj ham yaha kuch aisi beauty tips ke bare me baat karne ja rahe hai jo ki Shahnaz Hussain ke dwara batayi gayi hai, aur jo aapke liye faydemand ho sakti hai. Toh aaiye jante hai inke dwara batayi gayi beauty tips in Hindi.

Shahnaz Hussain Beauty Tips in Hindi – 10 Beauty Secret

Shahnaz Hussain Beauty Tips in Hindi

Rukhi Twacha (Dry skin) ki Cleansing:

Agar aapki twacha rukhi aur bejaan hai, toh iski cleansing ke liye aap ek bowl me sunflower oil ki lagbhag 10 bunde le aur 3 se 4 bunde raw milk le aur inhe achchi tarah mila le. Iss mishran ke dwara aap apni rukhi twacha ki cleansing kar sakte hai.

Iss prayog ko aap rojana kar sakte hai, isse aapki twacha ko nami bhi milegi aur sath hi aapke chehre ki gandgi bhi saaf ho jayegi.

Oily Skin ke Liye:

Agar aapki twacha oily hai toh aap apni twacha me chamak lane ke liye 2 chammach tamatar ka ras le aur usme dahi mila le. Ab is paste ko apne chehre par laga le aur 15 minute baad apne chehre ko dho le.

Iss prayog ko aap rojana kare, aisa karne se aapki twacha me nayi chamak aayegi aur aapki oily twacha glowing ho jayegi.

Dahi aur Haldi se Aaye Nikhar

2 chammach dahi me haldi ko mix kar lijiye aur ise achchi tarah se mila lijiye. Ab is paste ko apne chehre par laga lijiye.

Lagbhag 15 se 20 minute ke baad apne chehre ko saaf kar lijiye, iss prayog ko rojana karne se aapke chehre par jaldi hi aapko nikhar dekhne ko mil sakta hai.

Neem aur Chandan se Hataye Pimples:

Neem sabse purana anti-bacterial agenda hai jo aapki twacha ki gandgi aur bacteria ka naash karta hai. Pimples ko apne chehre se hatane ke liye aap chandan powder ka face pack apne chehre par lagaye aur 12 minute baad ise dho le. Ab iske baad neem ke solution ko apne chehre par lagaye.

Is mishran ka niaymit rup se upyog karne se aapke chehre ke pimples jaldi hi kam ho jayege.

Rice Flour aur Dahi se Hataye Black Heads:

Shahnaz hussain ki beauty tips ke anusar rice flour aur dahi ka mishran ek achcha scrub hai, jiske dwara aap apne chehre ke black heads hata sakte hai aur sath hi apne chehre ko khubsurti pradan kar sakte hai. Iske liye rice flour aur dahi ka mishran taiyar kar le, ab iss mishran ko apne chehre par laga lijiye.

Iske prayog dwara aapke chehre ke black heads hat jayege aur aapke chehre ki twacha saaf ho jayegi.

Twacha ki Whitening ke liye:

Oatmeal, dahi, shehad aur badam ke powder ko ek sath mila kar ek face pack taiyar kar lijiye. Ab iss paste ko apne chehre par laga lijiye aur 15 minute baad apne chehre ko dho lijiye. Ye aapke chehre ki twacha ko prakritik rup se sondarya pradan karta hai aur aapki twacha ko glowing banata hai.

Shehad aur Lemon Juice se Dur kare Kale Dhabbe:

Shehad aur lemon juice ke mishran ke upyog dwara aap apne chehre ke kale dhabbo ko dur kar sakte hai. Iske liye ek cup me shehad ka 1 part aur lemon juice ka 2 part mix kar le. Ab iss mishran ko apne chehre par achchi tarah se laga le.

Lagbhag 15 minute ke baad apne chehre ko dho le. Rojana ye prayog karne se aapke chehre ke kale dhabbe aur daag dur ho jayege.

Tan Removal:

Tanning ko dur karne ke liye ek bowl me 1 egg, 1 chammach lemon juice aur 1 chammach shehad ko mila lijiye. Inhe achchi tarah se mix karne ke baad, iss mishran ko apne chehre par laga lijiye aur lagbhag 15 minute baad apne chehre ko dho lijiye.

Iss prayog ke dwara aapke chehre ki tanning aur sun burn ka effect kam ho sakta hai.

Lemon Juice, Milk aur Cucumber se kare Dag-dhabbe Dur:

Lemon juice ka ek bhaag, milk ke 2 bhaag aur cucumber ka ek bhaag mila lijiye. Ab iss mishran ko cotton ball ki sahayata se apne chehre par laga lijiye. Kuch samay ise rakhne ke baad apne chehre ko saaf kar lijiye.

Iss prayog ko karne se aap apne chehre ke daag-dhabbo ko dur kar sakte hai aur aap sundar dikh sakte hai.

Lemon Juice aur Cucumber Juice se kare Complexion Achcha:

Lemon juice aur cucumber juice me dudh ko mix karke, apne chehre par lagane se chehre ka complexion achcha ho sakta hai. Iss mishran ko 10 se 15 minute tak apne chehre par laga kar rakhe aur uske baad apne chehre ko saaf kar le.

Dark complexion wale logo ke liye ye prayog rojana karna chahiye, isse unka complexion achcha hoga.

Yahan aapne jana Shahnaz hussain ke dwara bataye gaye kuch beauty tips ke bare me. Toh ab der kis baat ki hai, aap bhi Shahnaz hussain ke dwara bataye gaye in beauty tips ka upyog karke prakritik rup se apne chehre ko sundar banaye.

Related Post