Teeth Whitening Tips: Danto Ko Saaf, Safed aur Peelapan Hatane Ke Upay

TEETH WHITENING tips

Teeth Whitening Tips: Aaj ki is busy life me log itne busy hain ki unhe apni dekh bhaal ka time hi nahi hai aur kayi baar aisa hota hai ki wo apne chehre ki dekh bhaal toh kar lete hain lekin daanton (teeth) ki dekh bhaal karna bhul jate hain, kyuki wo apne chehre ko itni tabajjo dete hain ki teeth ke bare me sochna hi bhool jate hain.

Lekin kya aap jante hain ki daant ya teeth hamare body ka bahut hi important hissa hain, khaas kar hamare face ka. Kyuki jab bhi aap smile karte hain toh aapke daant hi samne aate hain aur agar aapke daant hi gande aur peele honge toh wo aapki muskaan ko kharab kar sakte hain.

Isliye jaruri ye hai ki hamare daanton par peelapan ya teeth yellow na rahe aur wo white aur shining teeths dikhayi de.

Agar aapke daant peele aur gande rehte hain toh aap sabke samne khul kar nahi has sakte hain aur aap me confidence ki kami bhi rehti hai, kyuki jaise hi aap haste hain toh aapke peele daant sabke samne aa jate hai, jisse aapko sharmindgi ka bhi saamna karna pad sakta hain.

Dusri or agar aapke daant safed aur chamakdaar rahenge toh aap sabke saamne khul kar has sakte hain aur isse aapka confidence level bhi badta hai. Is tarah agar aapke daant bhi peele hai aur aap bhi apne peele daanton se chutkaara paana chahte hain, toh aap kuch gharelu upaay (home remedies) dwara apne daanton ka peela pan (yellowness) hata sakte hain.

Waise toh market me kayi tarah ke products uplabdh hain, jinse aap ateeth whitening at home hi kar sakte hai, lekin hamare ghar me hi kayi aise utpaad hain jinse aap prakritik rup se apne daanton ko chamak daar bana sakte hain.

Tho aaiye aaj hamare is article me aap janenge ki gharelu upay dwara teeth yellow treatment karke kaise chamakdaar banaya ja sakta hain.

Teeth Whitening Tips: Home Remedies to Whiten Yellow Teeth

 

Nariyal ka tel:

Nariyal ka tel bhi aapke daanton ka peelapan kam karke chamakdaar banata hai. Iske liye apne daanton par thoda sa nariyal tel lekar lagaye aur ise 20 minute tak rehne de. Iske alawa jab bhi aap brush karen toh usme bhi kuch boonde nariyal ke tel ki daalkar brush kar sakte hain, isse bhi aapko apne daanton me fayda nazar ayega.

Strawberry:

Ye ek aisa fruit hai jo aapke daanton ko chamak daar banane me bahut hi faydemand hai. Iske liye kuch strawberry le aur unka paste bana le aur is strawberry ke paste se apne daanton ko saaf karen. Isse aapko apne daanton me dheere dheere fark dikhne lagega.

Koyla:

Koyla ek aisi cheez hai jo bahut hi asaani se aapko uplabdh ho sakti hai aur jo bahut hi normal si cheez hain, lekin yahi normal si cheez aapke daanton ko chamakdaar bana sakti hai. Iska rang kaal jarur hoga lekin ye aapke daanton ko safed aur chamakdaar bana dega. Iske liye thoda sa koyla powder le aur ungli ki sahayata se apne daanton par manjan kare , aisa karne ke baad jab aap pani se kulla karke apne muh ko saaf karenge toh jarur hi aapko apne daanton ka peela pan kam nazar aayega. Is tarah agar aap koyle ki sahayata se apne daanton ko saaf karte hain toh aap apne daanton ko safed aur chamakdaar bana sakte hain.

Meetha Soda:

Meetha soda ek aisa utpaad hai jo asaani se aapko apne kitchen me mil sakta hai. Ye bhi aapke daanton ko chamkane ka kaam kar sakta hai, lekin iska prayog aapko ek hafte me kam se kam 2-3 baar karna jaruri hai, tabhi aapko best result mil sakta hai. Iske liye ek chammach meetha soda le aur usme ek chutki namak dale aur thoda sa pani milakar paste bana le aur is paste se apne daanton ko saaf karen. Achche result ke liye is prayog ko hafte me 2-3 baar Karen.

Iske alawa meetha soda aapki saanso me bhi taazgi laata hai. Kabhi-kabhi hamari saanson ki durgandh hame bahut pareshan kar deti hai jiske kaaran hamare muh se bahut hi jyada badbu aane lagti hai. Isse chutkara pane ke liye aap ek chammach baking soda ko ek glass pani me daal kar muh ko saaf karen aur gale ki safayi ke liye aap is pani se garare kar sakte hain. Isse aapke muh ki andar tak safayi ho jayegi. Iske alawa agr ho sake toh raat me sone se pehle bhi brush karen.

Healthy food:

Healthy food se na sirf aapka swasth thik rehta hai aur aapka wajan control me rehta hai balki ye aapke daanton ko bhi swasth rakhta hai. Gajar, ajwain aur sev aise khadya padarth hai, jinko khane se aapke daanton ka chipchipapan dur hota hai aur aapka muh saaf rehta hai. Iske alawa pudine ki pattiya chabane se bhi aapke muh se durgandh dur ho jati hai.

Smoking na Karen:

Agar aap bhi smoking karte hai aur tobacco ka sevan karte hain toh isse aapke daanton me kayi tarah ke daag aur dhabbe ban jate hain, jiske kaaran aapke daant peele aur gande dikhayi dete hain. Smoking aur tobacco na sirf aapke daanton ko nuksaan pahuchata hai balki ye apke health ke liye bhi bahut nuksaan pahuchata hai, isliye agar ho sake toh inka sevan kam se kam karne ki kosis Karen.

Other Tips to Protect your Teeth:

Iske alawa jo log chay aur coffee ka sevan bahut jyada karte hain toh iske kaaran bhi unke daanton me kayi tarah ke daag aur dhabbe ban jate hain jiske kaaran unke daanton par peeli parat chad jati hai, isliye aap jab bhi coffee, chay ya phir cold drinks ka sevan karen toh uske baad pani se kulla jarur kar le, isse aapke muh me uski parat jam nahi payegi aur aap jyada nahi toh thoda sa apne daanto ko peelepan se bacha sakte hain.

Is tarah yahan aapne jaana ki kis tarah gharelu upaay dwara daanton ko peela hone se bachaya ja sakta hai aur aap chamakdaar daant pa sakte hain. Toh ab der kis baat ki hai agar aap bhi apne peele daanton se pareshan hai aur sabke samne khul kar nahi has pate hain toh hamare dwara bataye gaye in upaayon ka prayog Karen aur chamakdaar daant pa kar khul kar hase.

Related Post